A njoen programa foe a spesroetoe dei-konmakandra

„Doe ala sani gi a boen foe a boen njoensoe” na a thema foe a njoen programa foe a spesroetoe dei-konmakandra di e bigin na ini september (1 Kor. 9:23). A Kownoekondre boen njoensoe na a moro prenspari njoensoe di sma e jere na ini a ten disi. A programa sa jepi wi foe warderi na aparti grani di wi abi foe de sma di e tjari a kefalek boen njoensoe disi. A sa gi wi deki-ati toe foe tan meki a boen njoensoe bekènti sondro foe tapoe.​—Tori. 5:42.

A programa sa sori wi fa foe gebroiki a theokrasia leri foe wi heri boen, so taki wi kan doe so foeroe leki wi man na ini a diniwroko. Wi sa jere foe wan toe sma di tjari kenki kon foe doe moro na ini a diniwroko foe den, so srefi jongoesma di e gi ala sani di den abi foe meki a boen njoensoe go na fesi.​—Teki gersi Filipisma 2:22.

A moro prenspari lezing, di a fisiti takiman sa gi, sa poti krakti na tapoe taki a de fanowdoe taki wi e tan „warti foe kisi a frantiwortoe gi a boen njoensoe” (1 Tes. 2:4). Wi sa kisi jepi foe si taki efoe wi wani tan hori a grani foe prati a boen njoensoe nanga tra sma, dan wi moesoe meki a fasi fa wi e denki èn e tjari wisrefi, tan de akroederi den sani di Gado e aksi èn den markitiki foe en. Wi sa poti prakseri toe na tapoe den blesi di wi sa kisi te wi e doe dati.

No misi a toemoesi prenspari programa disi. Njoen sma di gi den libi abra na Gado èn di wani teki dopoe na a spesroetoe dei-konmakandra, moesoe taigi a fesiman opziener wantewante. Gi ala sma nanga soema joe e studeri wan kari foe kon. Meki wi gi Jehovah na okasi foe tranga wi foe doe ala sani gi a boen foe a boen njoensoe èn na so fasi, klari a moro bigi wroko bifo Armagedon kon.