Tjari gobaka foe meki sma kisi kibri
1 Na a wani foe Gado taki „ala sortoe sma moesoe kisi kibri èn kon sabi a soifri sabi foe waarheid” (1 Tim. 2:4). San wi kan doe foe jepi den sma disi? Tjari gobaka nanga a marki foe gi den leri foe waarheid. San joe sa taki? Kande den rai di e kon now kan jepi joe.
2 Te wi e go na wan sma di ben teki a boekoe „Ware vrede en zekerheid — Hoe kunt u die vinden?” (Troe vrede nanga seikerfasi — Fa joe kan feni en?), joe ben sa kan sori go baka na a prenki tapoe bladzijde 4 èn aksi na ososma:
◼ „Baka te joe loekoe a boekoe di mi ben libi gi joe na baka moro fara, èn te joe e denki foe a pramisi foe Gado foe wan paradijs na grontapoe, fa joe e firi foe den toemoesi moi pramisi di Gado gi a libisma famiri?” Baka te joe sori taki joe froestan a piki foe na ososma, èn baka te joe taki sjatoe foe en, kande joe kan poti prakseri tapoe kapitel 2 nanga 3. Taki foe loekoe foe san ede den moeiti foe libisma foe tjari vrede nanga seikerfasi kon, makandra nanga den moeiti foe relisi, no ben kon troe.
3 Efoe joe ben libi na ososma nanga na aksi foe prakseri san na a reide taki Gado e gi pasi foe ogridoe, dan, te joe go baka, joe ben kan bigin a takimakandra foe di joe e taki:
◼ „Mi ben lobi a takimakandra di wi ben abi a fosi leisi di wi ben miti èn mi ben wani foe kon baka foe si fa joe e denki foe a reide foe san ede Gado e gi pasi taki na ini a ten disi djoegoedjoegoe nanga ogridoe de na grontapoe. [Gi okasi foe piki. Drai go na bladzijde 54 foe a Ware vrede-boekoe èn leisi paragraaf 25 di abi a tekst di skrifi foe 2 Petr. 3:8, 9 na ini]. Loekoe taki a tra kapitel ini a boekoe e poti na aksi: ’Wat heeft God tot nu toe gedaan?’ (San Gado doe te nanga now?) Kande wi kan taki foe a piki tapoe na aksi dati na a tra fisiti foe mi.”
4 Baka te joe ben libi a boekoe „Een gelukkig gezinsleven opbouwen (Bow wan kolokoe osofamiri libi) joe ben sa kan go baka èn bigin tapoe a fasi disi:
◼ „Di mi ben fisiti joe a fosi leisi, mi ben froewondroe fa joe ben broko joe ede nanga joe osofamiri. Foe libi na ini den lasti dei foe wan ogri sistema foe sani soleki fa a de nanga wi, a de toemoesi prenspari gi osofamiri foe tan sreka sani foe a ten di de na wi fesi. Foe man doe dati, a boekoe di mi ben libi gi joe na baka Een gelukkig gezinsleven opbouwen, e rikomanderi nanga krakti foe abi wan bijbel takimakandra na oso dorodoro. [Leisi paragraaf 10 tapoe den bladzijde 185 nanga 186.] Efoe joe wani, mi ben sa wani foe teki wantoe miniti foe joe nomo foe sori fa sma na ini moro leki 200 kondre abi wan takimakandra foe bijbel na oso leki osofamiri.” Efoe ten de ete, gebroiki a materiaal na ondro na ede prakseri na tapoe bladzijde 71 foe demo a studie.
5 Baka te joe libi a „Vredevorst”-boekoe na baka, joe ben kan go baka èn taki:
◼ „Mi ben wani kon baka foe sori joe moro sani foe a prakseri foe Gado gi a grontapoe disi.” Drai go na a prenki tapoe bladzijde 172 nanga 173, leisi Openbaring 21:3, 4, èn baka dati, tjari sjatoe kon na krin fa Gado Kownoekondre sa meki a pramisi disi kon troe. Pristeri a sma wan oso-bijbelstudie foe soso.
6 Memre taki a marki di wi abi te wi e tjari gobaka, na foe bigin nanga bijbelstudie. A njoen boekoe na ini sranantongo, Joe kan libi foe têgo na ini wan paradijs na grontapoe, meki spesroetoe foe gebroiki foe hori bijbelstudie. Te wi e tjari gobaka pe wi ben libi den moro owroe boekoe na baka èn e bigin troetroe nanga wan studie, dan a ben sa boen foe poti prakseri tapoe a njoen boekoe disi. Wi sa feni foeroe prisiri te den wan di e studeri e leri foe kari Jehovah foe kisi froeloesoe. — Tori. 2:21.