’Bribi e kon foe a sani di jere’
1 Te wi e feni wan sma di abi „a joisti jejefasi gi têgo libi”, dan a de fanowdoe foe krakti a bribi foe a sma na ini den sani di a jere (Tori. 13:48; Rom. 10:17). Foe doro a marki dati, wi moesoe go baka na den presi pe wi libi den tijdschrift foe tjari den moro njoen tijdschrift èn foe taki moro fara. Efoe sma pe joe e tjari gobaka abi troetroe belangstelling, joe kan pristeri abonnement. Ma hori a marki na prakseri foe bigin wan studie nanga a boekoe Joe kan libi foe têgo na ini wan paradijs na grontapoe. Djaso wan toe idea de di ben sa kan jepi:
2 Te joe e tjari wan gobaka pe joe ben taki foe na artikel „Prèise a Kownoe foe têgo ten!”, joe ben kan bigin tapoe a fasi disi:
◼ „Di wi ben taki a lasti leisi, wi ben loekoe wan toe foe den krakti boeweisi baka, di e sori taki wan Almakti Gado de. Ma foe sabi nomo taki a de, no de nofo. Wi moesoe sabi en nen. Sortoe nen joe e gebroiki gi Gado? [Gi okasi foe piki.] Miljoenmiljoen sma e kari en ’Masra’ noso ’Gado’ nomo, sani di na titel èn di no e froeteri wi ete soema na a sma srefi. Moro fara, A wani taki wi sabi en na en nen. [Leisi Psalm 83:18.] Bijbel e froeteri wi moro foeroe foe Jehovah Gado, soleki fa a boekoe disi e sori dati.” Sori a prenki na tapoe bladzijde 34 nanga 35 foe a Libi foe têgo-boekoe. Baka te joe taki foe den fosi dri paragraaf na ini kapitel 4, dan a de so taki joe bigin wan studie!
3 Gi den wan nanga soema joe ben taki sjatoe foe na artikel „Foe san ede den relisi foe grontapoe sa kon na wan kaba”, kande joe wani foe go baka foe hori a belangstelling, foe di joe e taki:
◼ „Baka di joe leisi na artikel, kande joe froewondroe nanga a sani taki wi no man si ala relisi na a srefi fasi. Falsi nanga troe relisi de. Disi e meki na aksi kon foe ensrefi: Sortoe anbegi Gado e feni boen? Jesus ben gi a piki dati èn a boekoe disi e tjari en kon na krin.” Drai go na kapitel 3 foe a Libi foe têgo-boekoe èn leisi paragraaf 5, so srefi Mateus 7:13, 14. Aksi baka dati: „Joe ben sa wani foe kisi wan oso-bijbelstudie sondro foe pai?” Efoe a piki de ija, drai go na kapitel 1 èn bigin wan bijbelstudie.
4 Efoe belangstelling ben sori gi na „Ontwaakt!” foe 22 april, dan te joe go baka joe ben sa kan bigin wan studie nanga a Libi foe têgo-boekoe:
◼ „Joe kan memre taki wi ben abi wan takimakandra foe den froewakti foe wi foe man si kande wan grontapoe sondro feti. A no makriki foe denki san dati wani taki troetroe. Djaso wan prenki de foe dati. [Sori a prenki tapoe den bladzijde 156-158 na ini a Libi foe têgo-boekoe.] A no ben sa de wan prisiri foe man njan boen foe den presi disi lontoe wi? A titel foe a boekoe disi, e kroederi nanga den wortoe foe Jesus di de foe feni na ini Johanes 17:3. [Leisi.] Efoe a kan, mi ben sa wani sori joe fa joe ben kan gebroiki a boekoe disi nanga joe bijbel foe feni a sabi dati di e kibri joe libi.” Efoe na ososma wani, bigin a studie na ini a fosi kapitel.
5 Efoe joe ben go na wan sma di ben abi foeroe foe doe a fosi leisi di joe ben go, joe ben sa kan taki a sani disi te joe e drai go baka:
◼ „Mi ben fisiti joe no so langa pasa èn ben libi eksemplaar foe den tijdschrift A Waktitoren nanga Ontwaakt! Den tijdschrift disi e bow lespeki gi bijbel nanga a tiri foe en di a e gi ini a tori foe boen gwenti nanga wet. Foe di mi e denki taki a de prenspari gi ala sma foe froestan Gado Wortoe, mi ben kon baka foe sori joe wan sani di sa jepi joe foe doe dati.” Sori a Libi foe têgo-boekoe èn sori go na „Den tori foe a boekoe disi”, tapoe bladzijde 5 nanga 6. Aksi sortoe kapitel a abi moro belangstelling gi, drai go na a kapitel èn bigin nanga wan studie.
6 A prisiri foe wi sa bigi efoe wi man foe ’opo gi trawan a doro foe go na bribi’, di e tjari go na têgo libi. — Tori. 14:27; Joh. 17:3.