Taki waarheid nanga a sma na joe sei
1 Wan foe den toe moro bigi komando na: „Joe moesoe lobi a sma na joe sei leki joesrefi” (Mat. 22:39). So wan lobi sa poesoe wi foe prati nanga a sma na wi sei a moro boen sani di wi abi — a waarheid di wi feni na ini Gado wortoe. Foe di A Waktitoren nanga Ontwaakt! e froeklari finifini a bijbel boskopoe foe waarheid, dan a prati foe den tijdschrift disi na ini a moen mei, na wan fasi foe ’taki waarheid nanga sma na wi sei’. — Ef. 4:25.
2 Wi moesoe prati na „Ontwaakt!” foe 22 april te leki a no de moro na ini a gemeente. Joe ben sa kan bigin joe pristeri foe di joe e aksi:
◼ „San na joe piki na tapoe wan grontapoe sondro feti? [Gi na ososma okasi foe piki.] Joe ben sabi taki relisi foe grontapoe, te joe loekoe en fini, e soetoe faja gi feti èn a kiri di sma e kiri trawan? [Gi okasi foe piki.] Kontrari srefisrefi foe dati, loekoe san bijbel e taki san den troe anbegiman foe Gado sa doe.” Leisi Jesaja 2:2-4 na tapoesei foe bladzijde 4 foe a tijdschrift èn leisi baka dati a fosi paragraaf na odro na edeprakseri „Een roep tot hen die vrede liefhebben” (bladzijde 10). Baka dati, aksi: „Joe sabi fa Gado sa doe dati? A piki de foe feni na ini a tijdschrift disi èn disi na joe eksemplaar foe leisi.”
3 Te joe e pristeri „A Waktitoren” foe 15 mei, proeberi foe sori go na tapoe wan njoensoe tori di no pasa so langa ete èn di meki sma no abi wan firi foe seikerfasi, èn aksi baka dati:
◼ „San joe e denki taki a ben sa aksi foe wi, foe abi troetroe seikerfasi na ini a libi disi? [Gi okasi foe piki.] Nanga ala opregtifasi, a de wan joisti sani foe froetrow na tapoe libisma foe loesoe den problema di a libisma famiri abi foe kakafoetoe gi? [Gi okasi foe piki; leisi Psalm 146:3 baka dati.] Baka dati, a psalm singiman e gi wi reide foe abi howpoe foe a ten di de na wi fesi. [Leisi Psalm 146:5, 6.] Na artikel disi, ’Ware zekerheid nu en voor eeuwig’, e froeklari foe san ede wi kan froetrow na tapoe Jehovah Gado foe tjari moro betre situwâsi kon na grontapoe.” Pristeri foe libi wan toe tijdschrift na baka èn foe go baka foe taki fa sma kan njan boen foe wan libi na ini seikerfasi, nownowde.
4 A tori di de foe si na tapoe a fesi-sei kafti foe na “Ontwaakt!” foe 22 mei, moesoe man hari a belangstelling foe sma di wi e miti oso-foe-oso èn na wrokopresi. Joe ben kan bigin foe di joe e taki:
◼ „Foeroe oemasma ondrofeni wan toemoesi takroe sani na wrokopresi foe di trawan ben moeilek den foe abi seks demakandra nanga den. A situwâsi kon so takroe, dati kroetoebangi bigin strafoe den wan di e moeilek trawan na seks sei, èn den ben moesoe pai den sma di den ben moeilek. Leki wan jepi gi a libimakandra, wi tjari a tori disi kon na doro, so taki sma kan tapoe nanga den fowtoe idea di den abi foe a tori disi. A e gi praktis jepi toe na oema nanga man, fa den kan kibri densrefi foe trawan no gebroiki den foe abi seks demakandra nanga den èn foe densrefi no tron so wan sortoe sma toe. Joe ben sa wani leisi na tijdschrift Ontwaakt! disi?” [Gi okasi foe piki.] Kari a bijdrage di sma kan gi.
5 Efoe joe wani teki wan sjatoe pristeri, joe ben sa kan proeberi disi:
◼ „Foeroe sma e denki taki moro foeroe foe den disiten pôpi tijdschrift e poti toemoesi foeroe prakseri na tapoe bisnis, seks noso ogri di e doe nanga tranga. [Sori A Waktitoren nanga Ontwaakt!] Wi e pristeri den boen tijdschrift disi di abi den gron tapoe bijbel. Den e gi foeroe leri èn e leri wi foe anbegi Gado, foe lobi a sma na wi sei èn foe tan tjari wisrefi na wan opregti fasi. Efoe joe wani teki den sortoe materiaal disi foe leisi, mi sabi taki joe sa njan boen foe san joe sa feni na ini den tijdschrift disi.”
6 Efoe wi de nanga faja foe taki waarheid nanga den sma na wi sei, dan wi sa man tjari bigi prisiri gi foeroe sma. — Tori 8:4, 8.