Aksi boksoe

◼ O langa wan bijbelstudie moesoe hori nanga wan sma na ini a Sabi-boekoe?

Jehovah e blesi en organisâsi na ini a ten disi. Ibri jari wi e si boeweisi foe disi te doesoendoesoen njoen sma e teki sei gi a waarheid. A Sabi-boekoe e sori foe de wan boen wrokosani foe doe disi. A Waktitoren foe 1 januari 1996 ben sori taki a boekoe disi meki foe jepi wan bijbelstudenti foe gro moro esi na jejefasi, kande foe teki dopoe na ini wan toe moen.

Foe dati ede a srefi Waktitoren, bladzijde 29, ben gi leki rai: „Baka te wan sma klari nanga en bijbelstudie foe a Sabi-boekoe èn teki dopoe kaba, dan kande a no de fanowdoe foe hori wan bijbelstudie nanga en ini wan tra boekoe.”

Fa a de nanga wan sma di no e teki dopoe baka te a kaba a Sabi-boekoe? Wi Kownoekondre Dienst foe juni 1996, bladzijde 6, paragraaf 23, ben memre wi foe a penti di ben meki ini A Waktitoren foe no studeri moro boekoe nanga a srefi studenti baka te a klari a Sabi-boekoe. Disi wani taki dati wi no abi belangstelling foe jepi wan bijbelstudenti moro fara? Nôno. Wi wani taki den sma moesoe kisi wan fondamenti sabi foe a waarheid. Ma wi e froewakti taki na ini wan moro sjatoe pisi ten, wan boen leriman sa man jepi wan boen opregti studenti foe kisi nofo sabi foe teki wan koni bosroiti foe dini Jehovah. A kan taki, bika foe a situwâsi di den de na ini, wan toe bijbelstudenti sa wani srefi foe studeri moro leki wán leisi na ini wan wiki.

Wi moesoe erken taki wan toe studenti sa go moro safri na fesi leki trawan. Ma baka te a sma studeri a Sabi-boekoe, di kan teki pikinso moro langa foe kaba en, èn a no bosroiti taki a wani de makandra nanga a gemeente, a preikiman ben sa doe boen foe taki foe a situwâsi nanga wan foe den owroeman foe a Gemeente Dienstkomte. Efoe situwâsi de di e meki taki a sma no man meki go na fesi moro esi, noso taki efoe freimde omstandigheid de, dan a kan de fanowdoe foe gi moro jepi. Disi de akroederi a gronprakseri di kari na ini paragraaf 11 nanga 12 tapoe bladzijde 29 foe A Waktitoren foe 1 januari 1996.

A warderi di a sma abi foe leri srefi wan fondamenti sabi foe waarheid moesoe boeweigi a studenti foe go na den kresten konmakandra. Disi ben kan jepi a studenti foe sori krin taki a wani dini Jehovah. Efoe a no de krin foe si taki a sma e warderi jeje afersi na baka te joe studeri a Sabi-boekoe wan langa pisiten kaba nanga en, dan a kan de moro boen foe tapoe nanga a studie.