Aksi boksoe

◼ San wi moesoe hori na prakseri te wi e skrifi brifi gi den ososma di wi no man miti na oso?

Gi difrenti reide wi e feni taki a moeilek moro nanga moro foe miti sma te wi e fisiti den oso foe den. Wan toe preikiman feni taki wan praktis fasi foe kan abi kontakti nanga den sma na foe skrifi brifi. Ala di disi kan tjari wan toe boen bakapisi kon, tokoe a de fanowdoe foe loekoe wan toe sani di wi moesoe hori na prakseri, di kan jepi taki wi no sa kisi wan toe problema:

No gi a sma na adres foe a Genootschap foe gebroiki te a sma wani skrifi kon baka. Disi ben sa gi a fowtoe prakseri taki na a kantoro foe wi ben seni a brifi, èn dati kan tjari problema kon di no de fanowdoe, èn son tron moro kostoe toe.

Sorgoe taki joe abi a joisti adres foe na ososma èn nofo zegel tapoe a brifi.

No seni brifi gi „A sma di e libi na ini na oso”; gebroiki wan spesroetoe nen.

No libi den brifi na a doro te no wan sma de na oso.

A moro boen foe skrifi sjatoe brifi. Poti wan traktaat na ini noso wan tijdschrift, na presi foe skrifi wan heri langa boskopoe.

Te joe skrifi wan brifi tapoe wan skrifimachine, dan den de moro makriki foe leisi èn den kan abi wan moro boen krakti na tapoe a sma.

Wi no e teri den brifi leki gobaka boiti te joe gi kotoigi persoonlijk na a sma kaba.

Efoe joe e skrifi go na wan sma di ben sori belangstelling bifo, dan joe moesoe skrifi wan adres noso wan telefon nomroe, so taki a sma kan meki kontakti nanga joe. Froeteri en foe a bijbelstudie programa foe wi.

Gi a sma wan kari foe fisiti den konmakandra foe a gemeente ini a birti. Skrifi na adres nanga den ten foe den konmakandra.

No go doro foe seni brifi gi den oso pe sma no ben de, baka te joe gi a gebied baka; a preikiman di e hori a gebied nownow abi a frantiwortoe foe wroko en.