Wi sa studeri a Kolokoe Osofamiri​—boekoe

Joe sa prisiri foe sabi taki bigin nanga a wiki foe 6 oktober 1997, wi sa studeri a boekoe A sroto gi wan kolokoe osofamiri na a gemeente boekoestudie. No wan sma sa wani foe misi a groepoe studie foe a praktis tiri foe bijbel disi foe wan kolokoe osofamiri libi. A schema gi a studie sa meki taki wi man ondrosoekoe ibri paragraaf nanga bijbeltekst ini a boekoe finifini.

Wi sa studeri a heri fosi kapitel na a fosi wiki foe a studie, foe di a no abi foeroe tekst na ini di no skrifi poti. Foe a srefi reide wi sa studeri kapitel 15 ini wán takimakandra nomo. Ma ala den tra kapitel sa prati ini toe pisi, so taki afoe foe wán kapitel sa doe ibri wiki. So boen, nofo ten sa de foe leisi èn foe taki foe ala den tekst di skrifi pe den de foe feni èn so srefi foe ondrosoekoe boen fa foe gebroiki ala den tekst di skrifi poti na ini ibri paragraaf.

Wan prenspari sani foe a studie sa de wan takimakandra foe a materiaal na ini a leri boksoe na a kaba foe ibri kapitel. Foe dati ede, nofo ten moesoe poti na wan sei foe loekoe den aksi nanga den tekst na ini a boksoe, di skrifi pe den de foe feni.

Den gemeente boekoestudie leider e kisi a tranga foe poti spesroetoe prakseri na a sreka di den e sreka densrefi gi a studie èn foe gi ala sma foe a groepoe foe den, so srefi njoen sma, a deki-ati foe sreka boen, foe kon doronomo, èn foe teki prati na a boekoestudie.​—om 77-79.