Wan boen sani di seti
1 Den wortoe na tapoesé no de soso wan boen fasi foe taki foe oen njoen Tégo libi-boekoe, ma sosrefi toe wan moi seti foe go studeri na stof disi na a kaba foe januari 1984 na tapoe den boekoestudi. A no de foe taki, dati ala sma lési a boekoe disi kaba. Doesoendoesoen boekoe prati na ini a jari di psa na ini na veld. Foeroe bijbelstudi e hori nanga jepi foe a boen jepisani disi. Fa a de wan boen sani dati na boekoe disi o stoeka na tapoe na gemeente-boekoestudi. Iniwan sma e kisi a dek’ati foe de drape ala wiki èn teki prati nanga prisiri na a jeje njanjan. — Matt. 5:3, 6.
2 Nofo stof e gi foe studeri ala wiki. Nanga disi ala sma, sosrefi toe den pikin, sa kisi na okasi foe teki prati fri toe. Ten moesoe teki foe lési wantoe foe den srototekst èn foe taki foe den finifini. Wi alamala, èn spesroetoe den studileider, moesoe sreka wi nanga faja na fesi foe di den no e meki oen sabi soso na piki tapoe ala aksi, ma sosrefi toe foe proberi foe meki wi ferstan „a gron foe den sani”. (Prék. 7:25). Te wi e doe disi, dan oen studigroepoe sa gro ala wiki na ini sabi, ferstan nanga bribi. — Odo 14:6; 2 Petr. 1:5.
3 No wawan dati oen bribi sa kon tranga, ma oen ala wiki studi sa jepi oen toe nanga tori foe takmakandra di wi kan gebroiki na ini na velddienst. Kande joe sreka boen eksempre kaba ofoe joe miti nanga moi ondrofenitori. Wawantron na okasi de foe gebroiki sjatoe velddienstpunt, san sa meki a studi kisi libi èn de progressief. Na gemeente boekoestudi moesoe meki wi kon tron moro betre leriman. — Teki gersi Odo 27:17.
4 Na gemeente boekoestudi de ooktoe wan boen seti foe meki den sma nanga soema wi e studeri na bijbel, kon leri sabi Jehovah en organisaatsi. Kari den foe den kon doronomo èn foe si san na a dek’ati di e kon foe so wan studi, ala di wan sma e gro na ini sabi (Rom. 1:11, 12; Hebr. 10:24, 25). A de foe sma drape alaten ala wiki sa de wan jepi gi den foe kon moro krosbé foe a gemeente èn foe bow den bribi na ini Gado.
5 Loekoe pikinso wantoe foe den tori di e meki joe go prakseri èn di wi sa go taki foe den: Kapitel 2 e tjari kon krin na fesi soema na a fejanti foe tégo libi èn fa a e kori sma. A de wan takroe fejanti, di e fadon kon tapoe sma. Na troetroe sani foe disi e psa dipi go na ini oenoe! Kapitel 4 e ferteri finifini foe a grani foe Jehovah, foe san-ede wi abi réde foe bribi dati a de èn a moi fasi foe en persoon di a de. Den tra kapitel e bow go moro fara tapoe na fundamenti disi, sodati wi kan meki wan persoonlek matifasi gro na mindri oen nanga Jehovah. Den moi seti disi sa gi joe moro overtoigi foe den waarheid di de foe feni na ini a boekoe Joe kan libi foe tego na ini wan paradijs na grontapoe.