Meki wi onderwijsbekwaamfasi kon moro boen — Nanga a sori foe persoonlek belangstelling
1 „Gi mi skapoe njanjan” (Joh. 21:17). Nanga den wortoe disi Jezus ben e poti krakti na tapoe en opregti lobi èn persoonleke belangstelling gi den sma di joe kan teki gersi nanga skapoe èn di ben moesoe kisi jeje njanjan foe na wortoe foe waarheid. Dri tron Jezus ben poti krakti na tapoe di a ben taki nanga Petrus dati a ben moesoe sori en lobi gi na Messias foe doe diniwroko foe na boen foe trawan.
2 Jezus ben sori dati a de wan troe mati èn wan kompe di abi lobi gi en bakaman foe di a ’ben lobi den te na a kaba’ (Joh. 13:1). Leki bakaman foe en dan wi moesoe sori a srefi belangstelling gi njoen discipel ini a ten di e kon te wi e prati den prenspari waarheid foe Gado Wortoe nanga den (Matt. 28:19, 20). Wi kan doe disi tapoe difrenti fasi.
ABI PERSOONLEK BELANGSTELLING GI DEN
3 Wi kan sori dati wi abi persoonlek belangstelling gi den sma nanga soema wi abi wan bijbelstudi, te wi e kari den kon na den komakandra èn foe seti sani efoe a de fanowdoe foe den kon. Efoe oen abi boen-ati, switifasi èn oen lobi foe teki den na oso, dan wi e jepi den sma di wi e leri foe si a troe kristendom na ini wroko. Sma e teki den fasi di e sori frede foe Gado es’esi abra èn foeroe lési den e sori a srefi jeje fasi leki na jejefasi di wi ben sori den, sodati wan moi stéfi matifasi banti e kon, di abi agapè-lobi leki gron.
4 Ooktoe a boen srefsrefi te dorosé foe a formele studi wi e sori belangstelling gi den soema di wi e hori wan bijbelstudi nanga den. O moro den discipel e go na fesi na ini na waarheid, dan son prékiman e sori gastvrijheid, foe di den e kari den foe kon na den oso, pe den kan abi gesontoe, theocratis demakandra. Te na den sortoe okasi disi wi e kari ooktoe tra prékiman kon, dan disi e meki dati den e meki njoen mati. (Lési Markus 10:29, 30). Nanga den sortoe theocratis demakandra disi den kan gro go miti kristen lepifasi èn den kan feni jepi foe kweki boen gwenti (Odo 13:20; teki gersi 1 Kor. 15:33). Te den abi demakandra nanga oenoe èn den e si oen boen kristen maniri dan a no de foe taki, dati den sa si dati wi no e préki soso a wortoe foe Gado, ma wi e doe en toe, ija, wi e meki en leki wan fasi foe libi. — Jak. 1:22.
5 Sontron kande wi abi na firi dati den sma nanga soema wi e studeri no e go na fesi soleki fa wi ben ferwakti. San wi moe doe dan? Wi moe jepi den nanga lobi na tapoe den kontren pe den abi moro jepi fanowdoe. Efoe den abi moeilekheid nanga na wini foe bepaalde swakifasi, soekoe dan na ini den boekoe foe a Genootschap boen verwijsmateriaal di e handri foe na problema èn loekoe en makandra nanga den. Begi ooktoe makandra nanga den foe a problema. (Teki gersi Jakobus 5:16) Jepi den foe den kan libi densrefi troetroe na Jehovah anoe èn meki den kon si dati a de wan prenspari sani foe begi doronomo èn foe handri akroederi den begi disi. — 1 Petr. 3:12; 1 Joh. 3:22.
6 Efoe oen wani sori persoonlek belangstelling dan foe oen sé pasensi nanga lobi de fanowdoe. Ma disi warti a moeiti te wi e si dati den sma nanga soema wi ben studeri, ’e gi grani na a wortoe foe Jehovah èn e tron „bribiwan”! Neleki den getrow discipel di ben e leri den njoenwan na ini apostolis ten, na sosrefi toe wi sa ’kon foeroe nanga prisiri èn santa jeje’. — Tori. 13:48, 52.