Pristeri a boen njoensoe — Nanga jepi foe tijdschriftroute
1 Sensi a fosi bigin foe Jehovah Kotoigi na ini a ten disi, tijdschrift ben gebroiki foe jepi sma di e „angri” foe leri na waarheid. Wan prenspari fasi fa disi ben e doe biginbigin ben de foe sroto abonnement, ma na ini januari 1940 wantoe njoen fasi ben e gebroiki foe kan panja den tijdschrift. Den 67.000 prékiman di ben e wroko na ini a ten dati na ini Verenigde Staten makandra nanga na organisaatsi, ben kisi na rai foe pristeri loesoe exemplaar na tijdschriftroute. Fa a ben waka? Na ini na Ingrisi jaarboekoe foe 1914 a piki ben de foe lési. Drape ben tanapoe „Na a fasi disi pikinmoro 3.000.000 loesoe tijdschrift ben prati.”
2 Na ini a jari san psa na ini Bakrakondre, wan sani foe 28.000 prékiman ben prati 3.129.496 tijdschrift. Foeroe foe den tijdschrift disi ben prati na ini a geregelde oso-na-osowroko. Kande joesrefi toe ben abi prati na ini disi. Joe ben sa man foe miti moro sma di e angri na a waarheid foe di joe e prati tijdschrift na den tijdschriftroute? Joe ben proberi a fasi disi kaba?
3 Prékiman di a e waka den boen foe opo wan tijdschriftroute taki, dati na fosi prenspari stap de foe go alaten na ini a tijdschriftwroko. Foe eksempre, te den e prati tijdschrift na ini na oso na osowroko, den e taki gi na ososma disi: „Efoe joe feni den uitgave disi moi, dan kande joe sa wan moro foe den èn foe dat’ meki mi e kon nanga ala prisiri baka abra toe wiki foe gi joe na okasi foe teki den tra uitgave.” Trawan e poti prakseri na tapoe na kader „na ini a uitgave di moe kon” èn den e sori tapoe den moi artikel di sa kon. Dan den e taki foe eksempre: „Mi e loekoe na fesi na a ten te mi sa man foe lési na artikel disi te a kon. Kande joe toe sa wani lési en.” Sonwan e sori na tapoe den artikel di e kon leki wan geregeld rubriek, soleki „Jongoe sma e aksi” ofoe „Gado Wortoe abi libi”.
4 Efoe joe pramisi foe kon baka, dan a de prenspari dati joe hori joe wortoe. Te joesrefi tan getrow foe doe joe tijdschriftroute, dan wan switi matifasi sa gro mindri joe nanga na ososma èn dan den sma sa wani teki den tijdschrift moro esi. Sowan di abi wan tijdschriftroute, e feni dati froekoe na neti, te na ososma drai kon baka foe en wroko, de wan boen ten foe tjari den fisiti disi. Trawan e teki a satra foe doe disi.
5 Meki wi, ofoe wi e teki prati na a oso na osowroko ofoe na wan tijdschriftroute oen abi, gebroiki ala okasi foe poti den tijdschrift na ini anoe foe den sma. — Ps. 107:9.