Wan njoen boekoe gi na gemeenteboekoestudie
1 Den gemeente di e hori den komakandra na ini bakratongo e bigin na ini na wiki di e bigin nanga 22 juli den gemeenteboekoestudie nanga na njoen boekoe Bondroe kon na wan na ini na anbegi foe na troe Gado. Den gemeente di e hori den komakandra na ini Sranantongo sa bigin nanga na boekoe disi na tapoe den boekoestudie na ini na moen maart 1985. A boekoe disi sa poti a fundamenti foe takmakandra di e gi dek’ati èn di de praktis.
2 Soleki a de na ini moro foeroe foe wi boekoe dan den piki tapoe moro foeroe foe den studie-aksi de ini den paragraaf srefi. Ma ini na boekoe disi dan na a kaba foe son paragraaf ekstra aksi de na ini wan pikin sortoe lettertype, di nanga jepi foe bijbeltekst di poti a piki kan gi tapoe den. A de wan sani di wi e rikomanderi dati na sma di e lési den paragraaf ini a groepoe lési den aksi disi toe. Efoe den e lési ini wan rustige tempo dan disi e gi den sma di e arki na okasi foe go denki fa, den kan piki den aksi dati. Moro fara na boekoestudieleider akroederi nanga den sani di poti na ondrosé foe na bladzijde sa aksi den aksi disi wan froe wan èn kari na groepoe foe gi kommentaar. Son wan ini na groepoe di e ferstan sani es’esi ofoe di abi foeroe jari foe ondrofeni na ini na waarheid, kande sa pristeri densrefi gawgaw foe gi kommentaar tapoe den punt disi. A ben sa boen foe gi dek’ati na den trawan na tapoe wan lobifasi foe go nanga joe.
3 Na studie materiaal abi toemsi moi tekst. No djompo den. Lési den tekst te so fara na ten e gi joe pasi èn aksi kommentaar na a fasi fa den tekst abi foe doe nanga den materiaal di behandel. Sontron moro leki wan piki kan gi. Soleki na fosi kapitel ben sori dan na leri foe beredeneer foe punt na ini na leti foe na bijbel kan meki dati wan sma en denki nanga krakti foe si sani gro (Odo 5:1, 2; Fil. 1:9-11). Gi wi leki kristensma dan disi de toemsi prenspari égifasi.
SREKA JOESREFI A FESI FINFINI DE FANOWDOE
4 Den seti sani ini na boekoe na so wan fasi taki ibri wiki wan heri kapitel moe behandel. Ma na studieleider moe poti, boen prakseri na a tempo di a stof moe behandel. Ini den kapitel pe foeroe tekst de di no skrifi uit, a moe soekoe a fesi sortoe wan foe den moe lési, aladi foe den tra tekst sjatoe kommentaar sa aksi. Den paragraaf di e bigin a tori, den fosi paragraaf soboen, no e aksi someni ten leki den paragraaf moro fara ini na kapitel pe, „tranga njanjan” e behandel na ini den. Den bladzijde te bijna na a kaba foe na paragraaf aksi tanapoe di moe taki foe den, e aksi kande moro ten leki den trawan. Efoe den kommentaar na makriki paragraaf e hori sjatoe, dan a no sa de fanowdoe foe fré psa den paragraaf di moro prakseri moe poti na tapoe den.
5 Na takmakandra foe loekoe san ben leri na a kaba foe ibri kapitel de wan jepi gi na studieleider. Ma loekoe boen nanga piki di de frafra. Gi dek’ati na den sma di e teki prati foe kari wantoe speroetoe punt di ben taki foe den na ini na studie.
6 Wi wani gi dek’ati na ala sma foe sreka densrefi na fesi gi na boekoestudie èn foe teki ten foe soekoe den tekst. Na a fasi disi ibriwan sma sa kan doe mee èn njan moro boen foe en. Meki den takmakandra di e hori nanga jepi foe a boekoe disi èn a krakti di e poti na tapoe bijbelpunt, tjari oenoe kon moro krosbé na ini — wánfasi anbegi. Ma wi e howpoe moro foeroe taki den takmakandra disi sa meki wi warderi gro gi Jehovah leki na wan enkri troe Gado na universele Soeverein èn na lobi Tata foe ala en pikin.