Wi kan pristeri a Schepper-boekoe?

A jari di pasa wi alamala ben prisiri di wi ben kisi a boekoe Is er een Schepper die om u geeft? (Wan Kriaman de di e broko en ede nanga joe?) A boekoe disi meki spesroetoe gi den wan di, ala di den kisi boen skoro foe grontapoe afersi, no e bribi na ini Gado kande. A boekoe disi na wan sani di sma abi fanowdoe moro nanga moro.

Foe den bakapisi di wi abi ede, meki den poeblikâsi di wi e pristeri ibri moen, nofotron na poeblikâsi di e hari sma na ala sei. Disi wani taki dati wi no moesoe pristeri a Schepper-boekoe? Kwetikweti! Wi kan pristeri a boekoe disi a heri jari na sma di no e bribi na ini Gado èn di kande kan kisi wini foe a boekoe. Wi kan pristeri en toe na sma di e bribi na ini Gado ma di no sabi soema a de troetroe, noso san den eigifasi foe en de èn san a abi na prakseri foe doe. So boen, wi e gi joe deki-ati foe abi wan eksemplaar na ini joe tas èn de klariklari foe pristeri en na iniwan sma di joe denki sa wani leisi en.