Aksi Boksu

◼ Sortu publikâsi wi musu studeri nanga nyun sma bifo den teki dopu?

Fosi wan sma kan gi en libi abra na Yehovah èn teki dopu, dan a musu teki soifri sabi na ini en (Yoh. 17:3). A sa kisi a sabi di a abi fanowdu te a studeri a brochure San Gado e aksi foe wi? èn a buku Sabi di e tjari joe go na têgo libi. Na ini moro furu kefal a sa studeri a San Gado e aksi-brochure fosi. Ma efu a studie ben bigin nanga a Sabi-buku, dan baka te a klari nanga a buku, a sa studeri a San Gado e aksi-brochure. Fu san ede disi de fanowdu?

A San Gado e aksi-brochure e fruteri syatu den fondamenti Bijbel leri. Efu a studenti e studeri en fosi, dan a sa frustan den fondamenti sani san Yehovah e aksi fu plisi en. Efu a studenti e studeri disi leki lastiwan, dan a sa de wan moi syatu luku baka fu den sani di a ben leri fu den na ini a Sabi-buku. Na ini ala tu kefal, gi a studenti deki-ati fu leisi den bijbeltekst di e horibaka gi den tori èn fu prakseri dipi fu den. Sorgu taki yu e poti prakseri na den prenki, bika den de tumusi bun yepisani fu gi leri.​—Luku A Waktitoren fu 15 yanuari 1997, bladzijde 16-17.

Te wan bijbelstudenti kaba studeri ala tu publikâsi, dan a sa man gi piki na tapu ala den aksi di den owruman sa luku baka nanga en fu sreka en gi a dopu. Efu a de so, dan a no sa de fanowdu fu studeri wan tra publikâsi nanga en, ma a sma di e studeri nanga en sa tan sori belangstelling gi en fu si efu a e go na fesi.​—Luku A Waktitoren fu 1 yanuari 1996, bladzijde 26, 29.