Gebroiki na Anbegi Gado-buku fu hori bijbelstudie

A buku Anbegi a wan-enkri tru Gado (a no de fu kisi ete na ini Sranantongo) meki fu yepi den nyunwan go na fesi na ini a waarheid èn fu meki den kisi moro warderi gi Yehovah nanga en organisâsi. Wi kan gebroiki a buku disi leki a di fu tu buku fu studeri nanga bijbelstudenti. Na ini Wi Kownukondre diniwroko fu yuni 2000, bladzijde 4, a skrifi: „Efu a de fu si taki wan sma e go na fesi, awansi dati no e pasa esi-esi, èn efu a de fu si taki a e kisi moro warderi gi san a e leri, dan tan gi a sma bijbelstudie fu di yu e gebroiki a di fu tu buku, baka di yu kaba nanga a San Gado e aksi-brochure èn a Sabi-buku. . . . Ma a San Gado e aksi-brochure èn a Sabi-buku sa studeri fosi nanga ala sma di wani studeri. A ten di yu ben gebroiki fu hori a bijbelstudie, fu tyari gobaka èn fu studeri nanga wan sma, musu teri èn skrifi na tapu a raportu, srefi efu a studenti e teki dopu bifo a kaba a di fu tu buku.”

Suma kan kisi wini sosrefi fu studeri na Anbegi Gado-buku? A srefi artikel e taki moro fara: „Efu yu sabi wan tu sma di fosi ben studeri a Sabi-buku, ma di noiti ben go so fara taki den ben gi densrefi abra èn teki dopu, dan kande yu ben kan go luku efu den ben sa wani bigin wan bijbelstudie baka.” Meki wi du spesrutu muiti na ini maart nanga april fu bigin studeri nanga den wan disi na ini na Anbegi Gado-buku.