Hori Dofu Sma na Prakseri So Taki Yu Kan Feni Den na ini Yu Gebied
1 Yehovah e gi ala sma a kari: „’Kon!’ . . . Meki ibriwan sma di wani so, teki a watra fu libi fu soso” (Openb. 22:17). Moro nanga moro dofu sma de na mindri den wan di e teki a kari disi. Leki wan bakapisi fu dati a bijkantoro na Amerkankondre seti 27 gemeente èn 43 grupu fu dofu sma na ini den 13 yari di pasa.
2 Ala di den gemeente èn den grupu fu dofuwan na ini tra kondre e du ala muiti te den e preiki na ini den gebied fu miti dofu sma èn so srefi sma di no e yere so bun, toku furu fu den sortu sma disi de ete na ini den kondre disi. Na ini Sranan, wi tu musu du a srefi muiti fu yepi den dofu sma. Wi musu feni den sma disi ete fu gi den wan kotoigi.
3 Fa Yu Kan Yepi? Yu si sma di e gebroiki gebarentaal (a fasi fa dofu sma e taki), te yu de na presi pe furu sma e go? Yu sabi wan sma na yu wrokope noso na skoro di abi wan famiriman di dofu? Hori dofu sma na prakseri te yu e du yu aladei wroko, so taki yu kan feni den. Ma fa yu kan sorgu taki den o kisi wan kotoigi fu a Kownukondre?
4 Gi Kotoigi: Son dofu sma na ini Sranan leri sabi waarheid moro esi fu di Kotoigi di ben kon na den gemeente konmakandra gebroiki gebarentaal fu yepi den. Dati meki, efu wan sma na ini yu gemeente noso grupu sabi taki nanga dofu sma, dan a sekretarsi fu a gemeente fu yu musu fruteri en fu ala dofu sma na ini yu gebied.
5 Ma fa a de dan efu no wan sma de krosibei fu yepi dofu sma na ini yu birti fu sabi waarheid? Fa yu kan yepi den? Fu san ede yu no e tyari wan gobaka fu taki nanga iniwan sma fu na osofamiri di man yere? Aksi den efu yu kan sori den wan gebarentaal video fu meki a dofu sma wani sabi moro. Wan tu preikiman leri fa fu taki nanga dofu sma so taki den kan yepi den dofuwan moro bun (Tori. 16:9, 10). A San Gado e aksi-brochure nanga a Sabi-buku de fu feni tapu video na ini ASL (a gebarentaal fu Amerkankondre). Preikiman di gebroiki den yepisani disi, abi furu bun bakapisi kaba.
6 Te yu e hori dofu sma na prakseri na ini yu gebied, dan yu kan gi den na okasi fu teki a watra fu libi fu soso.—Mat. 10:11.