Sani Di Yu Kan Fruteri fu den Tijdschrift

A Waktitoren 15 nov.

„Furutron wi e yere sma e taki dati ’Yesus dede gi wi’. [Taki san skrifi na ini Yohanes 3:16.] Oiti yu aksi yusrefi fa a dede fu wan libisma kan frulusu wi alamala? [Gi a sma na okasi fu piki.] Bijbel e piki na aksi disi na wan makriki fasi. Na artikel disi ’Yesus E Frulusu Sma​—Fa A E Du Dati?’ e taki finifini fu en.”

Ontwaakt! 22 nov.

„Yu e denki taki libisma e du ala san den man fu sorgu bun gi grontapu? [Gi a sma na okasi fu piki.] Furu sma e aksi densrefi efu sma sa pori a loktu èn so srefi den libisani makandra nanga ala presi pe libi de na grontapu. Koloku taki Gado e broko en ede trutru nanga den sani disi. [Leisi Nehemia 9:6.] A tijdschrift Ontwaakt! e taki san o pasa nanga a libi na grontapu na ini a ten di e kon.”

A Waktitoren 1 dec.

„Na ini a pisi ten disi fu a yari, furu sma e meki muiti fu gi trawan kado èn fu du furu bun sani gi trawan. Disi e meki wi prakseri wan prenspari gronprakseri. [Leisi Mateus 7:12.] Yu e denki taki sma man libi soleki fa Yesus ben taki dyaso, ibri dei fu a yari? [Gi a sma okasi fu piki.] Ini a tijdschrift disi furu sani skrifi di e meki yu prakseri fa yu kan ’Libi Nanga Trawan Soleki Fa Yu Wani Den Musu Libi Nanga Yu’. ”

Ontwaakt! 8 dec.

„Bijbel e pramisi taki wan ten o kon pe no wan sma sa taki, ’Mi siki’. [Leisi Yesaya 33:24.] Dati meki na Ontwaakt! disi e taki fu wan siki di milyunmilyun yonguwan nanga owruwan abi. A nen fu na artikel na ’Hoop voor artritispatiënten’ (’Howpu gi den sma di abi artritis siki’). Mi de seiker taki yu o leri furu fu a tori disi te yu e leisi en.”