Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 3/02 blz. 10
  • Yu kan preiki nanga moro prisiri

Felem no de na a pisi disi.

Sorry, wan sani no go bun di wi pruberi fu drai a felem.

  • Yu kan preiki nanga moro prisiri
  • Wi Kownukondre diniwroko 2002
  • A srefi sortu tori
  • „Dini Yehovah nanga prisiri”
    Wi Kownukondre diniwroko 2003
  • Pristeri na bun nyunsu — Nanga prisiri
    Wi Kownukondre diniwroko 1988
  • Prisiri—Wan fasi di Gado e gi wi
    A Waktitoren—A e taki fu Yehovah Kownukondre (Studie-Waktitoren)—2018
  • Pristeri a boen njoensoe — Na wan fasi di e gi wi prisiri
    Wi Kownukondre diniwroko 1985
Moro sani
Wi Kownukondre diniwroko 2002
km 3/02 blz. 10

Yu kan preiki nanga moro prisiri

1 Fa yu e firi te yu e du yu diniwroko? Yu e prisiri trutru te yu e taki fu a bun nyunsu nanga trawan? Efu wi no luku bun, dan na ogri grontapu di e lontu wi kan meki taki wi frede fu preiki. Leki bakapisi fu dati, wi kan lasi wi prisiri na ini a preikiwroko. Te wi e wroko na ini kontren pe sma no wani arki, dan dati kan meki wi lasi-ati tu. San wi kan du fu kisi moro prisiri na ini a preikiwroko?

2 No frede fu preiki: Te wi no frede fu preiki, dan dati kan yepi wi fu abi prisiri na ini a diniwroko. Wan fasi fa wi kan doro a marki dati na fu denki dipi fu a bigi grani di wi abi fu „wroko makandra nanga Gado” (1 Kor. 3:9). Yesus srefi e horibaka gi wi te wi e du a wroko di wi kisi fu du (Mat. 28:20). Sosrefi a e gebroiki wan bigi legre fu engel fu horibaka gi wi (Mat. 13:41, 49). Sobun, wi abi a dyaranti taki Gado o blesi den muiti fu wi (Openb. 14:6, 7). Fu dati ede, awansi fa son sma e piki te wi e preiki gi den, toku wi sabi taki san wi e du e meki taki bigi prisiri de na ini hemel!

3 Sreka yusrefi bun: Te wi sreka wisrefi bun, dan dati e yepi wi tu fu du wi wroko nanga prisiri. A no abi fu de wan tumusi bigi wroko fu sreka wisrefi fu go preiki. Wan tu miniti sari kaba fu luku sortu tori fu den tijdschrift noso fu a publikâsi di wi e pristeri a mun dati, wi kan taki fu en nanga na ososma. Yu kan luku a pisi, „Sani di yu kan fruteri fu den tijdschrift”, di de fu feni na ini Wi Kownukondre diniwroko, èn teki wan fu den pristeri dati. Luku na inlegvel fu Wi Kownukondre diniwroko fu yanuari 2002, pe yu e feni a pisi tori: „Wan tu takimakandra di yu kan gebroiki na ini a preikiwroko.” Noso yu kan luku na ini a pikin buku, Fa fu bigin èn go doro nanga Bijbel takimakandra, fu feni bun fasi fu bigin wan takimakandra. Son ososma no wani arki wi boskopu. A kan taki den gwenti fu taki sani di e meki yu lasi-ati. A bun fu sreka yusrefi bun fu piki den na wan fasi di e sori taki yu e hori san den ben taki na prakseri, aladi yu e taki fu wan sani di sa hari a prakseri fu na ososma. A pikin buku Fa fu bigin èn go doro nanga Bijbel takimakandra, kan yepi wi heri bun. Te wi sa wroko nanga den wrokosani disi, dan dati sa gi wi a frutrow di wi abi fanowdu fu du wi preikiwroko nanga prisiri.

4 Begi fayafaya: A de tumusi prenspari fu begi efu wi wani tan abi prisiri. Fu di a wroko di wi e du na a wroko fu Yehovah, meki wi musu begi doronomo fu a gi wi en yeye. Wan froktu fu a yeye, na prisiri (Gal. 5:22). Yehovah sa gi wi a krakti fu tan preiki (Fil. 4:13). Son ten wi e ondrofeni sani na ini a diniwroko di no switi. Ma te wi e taki nanga Gado na ini begi fu a diniwroko fu wi, dan dati kan yepi wi fu tan si sani na a yoisti fasi (Tori 13:52; 1 Petr. 4:13, 14). Efu wi e frede fu preiki a bun nyunsu, dan begi kan yepi wi fu tan go doro nanga deki-ati.—Tori 4:31.

5 Suku fasi fu preiki: A no de fu taki, dati a diniwroko e gi wi moro prisiri te wi e miti sma di wi kan preiki gi den. Kande yu sa abi moro bun bakapisi efu yu seti sani na so wan fasi taki yu kan go preiki na tra yuru fu a dei. Kande na bakadina noso na mofoneti. Ibri leisi te yu e waka na strati yu e miti nanga sma. Yu e miti sma tu te yu e go na wenkri, te yu de na ini bus, noso te yu de na presi pe sma e go koiri. Fu san ede yu no e sreka yusrefi fu bigin syatu takimakandra, èn pruberi fu taki nanga den sma di yu denki taki den sa wani arki a boskopu? Kande a de so taki yu e go na skoro noso yu e wroko na wan presi pe yu e taki nanga tra sma ibri dei. Kande yu o kisi na okasi fu preiki, efu yu bigin taki fu wan Bijbel tori di kan hari a prakseri fu den sma disi. Yu kan feni moi rai na tapu a fosi bladzijde fu na inlegvel fu Wi Kownukondre diniwroko fu yanuari 2002. Awansi sortuwan fu den sani disi yu wani pruberi, den muiti fu yu sa meki yu kisi moro prisiri na ini a preikiwroko.

6 Te wi e prisiri na ini a diniwroko, dan dati e yepi wi fu horidoro. Fu dati ede a prenspari srefisrefi fu tan abi a firi dati! Wi sa kisi bigi blesi efu wi horidoro teleki a wroko disi, di noiti no sa du moro, kon na wan kaba. A howpu dati kan meki wi preiki nanga moro prisiri.—Mat. 25:21.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma