Yu musu si a video Geen bloed — De geneeskunde kan de uitdaging aan
San yu sabi fu den difrenti fasi di de, fu kisi datrayepi sondro brudu? Yu sabi san na wan tu fu den dresi di sma e kisi na presi fu brudu èn fa den e wroko? Luku a video disi èn luku san yu sabi fu a tori dati nanga yepi fu den aksi di e kon now.—Wan sani di yu musu hori na prakseri: Fu di a video abi wan tu syatu pisi na ini pe datra e du oparâsi, meki a de fanowdu taki papa nanga mama de na ai te den e luku a video disi makandra nanga den yongu pikin fu den.
(1) San na a moro prenspari reide fu san ede Yehovah Kotoigi no e teki brudu, èn pe fu Bijbel wi kan feni a gronprakseri dati? (2) San wi wani te wi e taki fu datrayepi? (3) Sortu prenspari reti ala sikisma abi? (4) Fu san ede a de wan bun sani èn fu san ede a fiti fu no teki brudu? (5) Te wan sma lasi tumusi furu brudu, dan sortu tu prenspari sani datra musu du? (6) Sortu problema na gosontu sei sma kan kisi te den e teki brudu? (7) San na wan tu wrokosani di datra abi di e yepi den fu no meki a sikisma lasi tumusi furu brudu te den e du oparâsi? (8) San yu musu sabi fu den dresi di sikisma e kisi na presi fu brudu? (9) A de so taki sma kan du bigi èn muilek oparâsi sondro fu gebroiki brudu? (10) San moro nanga moro datra wani du gi Yehovah Kotoigi, èn san kan tron wan fasi fu yepi ala sikisma te fu kaba?
A sa de wan yepi trutru fu luku a Geen bloed-video makandra nanga bijbelstudie, trowpatna noso famiriman di no de Kotoigi, wrokoman na yu wrokopresi, skoromasra nanga skoromisi, nanga skoromati di kande poti aksi fu san ede wi no e teki brudu. Ibriwan sma musu teki en eigi bosroiti akruderi en eigi konsensi, efu a wani wan fu den datrayepi di kon na fesi na ini a video disi.—Luku „Aksi fu leisiman” na ini A Waktitoren fu 15 yuni nanga a di fu 15 oktober 2000.