Sani di wi musu hori na prakseri gi a Memrefesa

A yari disi a Memrefesa sa hori tapu dridewroko 16 april. A bun efu den owruman poti prakseri na den sani di e kon now:

◼ Te unu e bosroiti o lati a Memrefesa sa hori, dan sorgu taki a brede nanga a win prati baka te sondongo.

◼ Ala sma, sosrefi a takiman, musu sabi soifri o lati èn pe a Memrefesa sa hori.

◼ Sorgu na fesi taki unu abi a yoisti sortu brede nanga win.​—Luku De Wachttoren fu 15 februari 1985, bladzijde 19.

◼ Unu musu tyari preti, grasi èn wan bun tafra nanga wan tafraduku go na a konmakandra presi èn seti ala den sani disi na fesi bifo a konmakandra e bigin.

◼ Sani musu seti na fesi fu krin a Kownukondre zaal, noso a tra presi pe unu o hori a Memrefesa. A presi musu krin bun.

◼ Den owruman musu luku suma den o teki fu dini leki zaal-waktiman èn suma den o teki fu prati a brede nanga a win. Den musu sori den brada disi na fesi san den musu du èn fa den musu du dati. Sori den taki a de fanowdu fu sorgu den skin bun èn fu weri krosi di fiti na okasi dati.

◼ Sani musu seti fu tyari a brede nanga a win go na iniwan fu den salfuwan, di no man kon na a Memrefesa fu di a siki.

◼ Te moro leki wan gemeente sa gebroiki a srefi Kownukondre zaal, dan den gemeente musu taki na fesi fa den o seti sani, so taki tumusi furu sma no e tanapu na a doromofo, na sei pasi pe sma e waka pasa èn na a presi pe den e poti wagi. Pe dati kan, dan a bun fu poti 45 miniti na mindri den tu Memrefesa di sa hori.