Sani di yu kan fruteri fu den tijdschrift

A Waktitoren 15 mei

„Ala dei wi e yere boskopu fu na ogri di sma e du nanga tranga. Yu denki taki den sani disi ben e pasa fositen tu? [Gi a sma na okasi fu piki.] Luku san Bijbel e taki. [Leisi Mateyus 24:37.] Den sma di ben e libi na ini a ten fu Noa ben ogri so kefalek taki Gado ben pori ala sma, boiti Noa nanga en osofamiri. A tijdschrift disi e sori san den sani di ben pasa na ini a ten dati, wani taki gi wi na ini a ten disi.”

Ontwaakt! 22 mei

„Na ini a ten disi furu siki de. Wan fu den siki disi na a siki di sma e kisi te wan insekt e beti den. Yu sabi taki yu kan du wan sani fu kibri yusrefi gi den siki disi? [Gi a sma na okasi fu piki.] A tijdschrift disi e sori san wi kan du fu no kisi den siki disi. A e sori sosrefi a pramisi na ini Bijbel di e taki dati wan ten sa kon te nowan siki sa de moro.” Tapu a takimakandra fu di yu e leisi Yesaya 33:24.

A Waktitoren 1 yuni

„Son sma e gi moni na organisâsi di e yepi trawan di de na nowtu. Ma ondrosuku e sori taki den organisâsi disi no e gebroiki a moni na wan bun fasi. Fu dati ede sma e aksi densrefi efu a de wan koni sani fu gi moni na den sortu organisâsi disi. Ma toku someni sma de na nowtu ete. Yu denki taki wan fasi de fu lusu a problema disi? [Gi a sma na okasi fu piki. Leisi baka dati Hebrewsma 13:16.] A tijdschrift disi e sori fa wi kan gi sani na wan fasi di Gado e feni bun.”

Ontwaakt! 8 yuni

„Na ini a ten disi, a sori taki sma no e tyari densrefi na wan fasi di fiti èn den no abi bun maniri soleki fa den ben abi dati fositen. Yusrefi e si taki disi de so? [Gi a sma na okasi fu piki.] A moi fu si taki Bijbel ben taki na fesi taki disi ben o pasa. [Leisi 2 Timoteyus 3:1-5.] Na Ontwaakt! disi e sori fu san ede a fasi fa libisma e tyari densrefi e kenki èn a e sori tu san o pasa na ini a ten di de na wi fesi.”