Sani di yu kan fruteri fu den tijdschrift

A Waktitoren 15 apr.

„Na ini den yari di no pasa solanga ete, dan furu sma kon si taki sma no e poti so furu prakseri moro na den markitiki fu Gado. Yusrefi e si disi tu? [Gi a sma na okasi fu piki. Leisi baka dati Psalm 119:105.] Den markitiki fu Gado e yepi sma fu wai pasi gi den furu ogri sani di e pasa na ini a libi. A tijdschrift disi e sori pe yu kan feni den markitiki fu Gado.”

Ontwaakt! 22 apr.

„Na ini a ten disi pe ala sani e go so esi-esi, dan furu sma e aksi densrefi efu den pikin fu den no e kon lepi tumusi esi. Yu e broko yu ede nanga disi tu? [Gi a sma na okasi fu piki. Leisi baka dati Preikiman 3:1, 4.] Pikin-nengre ten no musu de wan ten fu abi broko ede neleki bigisma. Na Ontwaakt! disi e taki fa papa nanga mama kan kibri den pikin na ini den pikin-nengre ten.

A Waktitoren 1 mei

„Son aksi na aksi di libisma no man gi piki na tapu. Luku na eksempre disi. [Leisi Yob 21:7.] Oiti yu ben abi wan aksi di yu ben sa wani poti gi Gado? [Gi a sma na okasi fu piki.] A tijdschrift disi e fruklari fa sma na ala sei fu grontapu kisi bun piki tapu den dri moro prenspari aksi di sma e poti na ini a libi.”

Ontwaakt! 8 mei

„Furu fu wi sabi wan sma di abi sukru siki. Yu sabi furu fu a siki disi? [Sori a sma a kafti fu a tijdschrift èn gi en na okasi fu piki.] A tijdschrift disi e ondrosuku san e meki wan sma kisi sukru siki èn sortu dresi so wan sma kan kisi. A tijdschrift disi e taki sosrefi fu a pramisi na ini Bijbel di e taki dati ala siki sa dresi fu ala ten.” Tapu a takimakandra fu di yu e leisi Yesaya 33:24.