Sani di yu kan fruteri fu den tijdschrift

A Waktitoren 15 apr.

„Son sma e bribi taki ala sani di e pasa na ini wi libi, sobun srefi ogri sani, na sani di Gado wani. Oiti yu prakseri fu a sani dati? [Gi a sma na okasi fu piki.] Furu sma sabi a begi disi. [Leisi Mateyus 6:10b.] San Gado wani du nanga grontapu èn o ten a sa du dati? A tijdschrift disi e sori san Bijbel e taki fu a tori disi.”

Ontwaakt! 22 apr.

„Na ini a grontapu disi, son sma no abi nowan howpu. Yu abi a firi disi son leisi? [Gi a sma na okasi fu piki. Leisi Romesma 15:4.] Furu sma sabi o prenspari a de fu abi wan howpu. Yu sa prisiri te yu e leisi na Ontwaakt! disi, di e taki fu seibi reide di Bijbel e gi fu kan abi howpu.”

A Waktitoren 1 mei

„Son kerki fesiman wani taki a libimakandra drai moro bun, èn fu dati ede den go moksi densrefi nanga politiek afersi. Ma luku san Yesus ben du di sma ben wani poti en leki kownu. [Leisi Yohanes 6:15.] Yesus ben poti en prakseri na wan sani di ben o tyari têgo winimarki kon gi trawan. A tijdschrift disi e taki san na dati.”

Ontwaakt! 8 mei

„Furu sma e kisi fu du nanga problema na wrokope. Son leisi sma di e wroko makandra nanga den, e trobi den. Yu ben sabi taki Bijbel e gi rai di kan yepi wi fu kakafutu gi den sortu problema disi? [Gi a sma na okasi fu piki. Leisi Odo 15:1.] A tijdschrift disi e gi wi bun rai fu kan tan abi wan bun banti nanga tra sma na wrokope.”