Sani di yu kan fruteri fu den tijdschrift

A Waktitoren 15 yuni

„Son sma e si Yesus leki a moro prenspari sma di ben libi oiti. Tra sma e aksi densrefi efu a ben de na libi srefi. Yu denki taki san wi e bribi fu en de prenspari? [Te a sma gi piki, dan leisi Tori fu den Apostel 4:12.] Sortu buweisi de taki Yesus ben de na grontapu trutru? A tijdschrift disi e gi piki tapu na aksi dati.”

Ontwaakt! 22 yuni

„Furu sma e broko den ede nanga den busi èn den liba fu a kondre pe den e libi. Yu denki taki libisma man sorgu taki den busi na heri grontapu no lasi gowe? [Gi a sma na okasi fu piki.] A tijdschrift disi e fruteri sortu muiti sma e meki now, so taki den busi no lasi gowe. A e sori sosrefi fa Gado sa meki a moi pramisi disi kon tru.” Leisi Yesaya 11:9.

A Waktitoren 1 yuli

„Wan fu den moro prenspari sani di wan libisma abi fanowdu na taki den lobi trawan èn taki trawan lobi den. [Leisi san skrifi na a prenki na tapu bladzijde 4.] Ma toku yu e si taki sma na ini a ten disi e si tra sani leki moro prenspari sani? [Gi a sma na okasi fu piki.] A tijdschrift disi e sori san na trutru lobi èn a e sori fa wi kan leri fu lobi trawan na so wan fasi.” Leisi 1 Korentesma 13:2.

Ontwaakt! 8 yuli

„Furu sma e broko den ede nanga na ogri di sma e du nanga tranga. Sma e du den sani disi moro nanga moro, sondro fu denki srefi. [Kari wan eksempre di sma fu a presi drape sabi èn gi a sma na okasi fu piki.] A tijdschrift disi e sori wan tu sani di e meki taki so furu ogridu de. A e sori sosrefi fa Gado sa tyari wan kaba kon na ogridu èn na ogri di e du nanga tranga.” Leisi Psalm 37:10, 11.