Sani di yu kan fruteri fu den tijdschrift

A Waktitoren 15 feb.

„Furu sma e broko den ede nanga den ogri sani di pasa fu di kerki ben horibaka gi dati. Son sma e feni taki kerki na a rutu fu den problema fu libisma. Oiti yu aksi yusrefi a sani disi? [Gi a sma na okasi fu piki. Baka dati, leisi Openbaring 18:24.] A tijdschrift disi e sori san Bijbel e taki fu a tori disi.”

Ontwaakt! 22 feb.

„Furu sma lobi fu leri sani di abi fu du nanga meti èn son sma lobi fu kweki den na oso. [Gi a sma na okasi fu taki wan sani.] A tijdschrift disi e taki fu wan tu fu den problema di kan kon te wan sma e kweki wan meti. A e taki sosrefi fu a pramisi fu Gado taki wan ten sa kon te ala meti sa libi na ini vrede nanga makandra èn nanga libisma.” Leisi Yesaya 11:6-9.

A Waktitoren 1 mrt.

„Wan leisi, sma ben aksi Yesus Krestes: ’Sortuwan fu den komando na a fosiwan?’ Luku san a piki den. [Leisi Markus 12:29, 30.] Oiti yu aksi yusrefi san Yesus ben wani taki nanga disi? [Gi a sma na okasi fu piki.] Na artikel ’Fa wi e sori taki wi lobi Gado’ e tyari kon na krin san den wortu dati di furu sma sabi, wani taki.”

Ontwaakt! 8 mrt.

„Wan pisi ten ben de di furu sma ben e frede taki sma ben o gebroiki atoombom fu feti nanga makandra. Yu denki taki sma kan gebroiki atoombom fu feti na ini a ten disi? [Gi a sma na okasi fu piki.] A tijdschrift disi e ondrosuku den sani na ini a ten disi di e meki wi alamala broko wi ede. A e sori sosrefi a pramisi fu Bijbel di e taki fu wan grontapu pe nowan sma sa frede moro.” Leisi Sefanya 3:13.