Sani di yu kan fruteri fu den tijdschrift

A Waktitoren 15 maart

„Wi wani gi yu wan kari fu kon na a Memrefesa tapu sonde 4 april. [Gebroiki a bakasei fu a tijdschrift noso a papira di yu e gebroiki fu gi sma wan kari fu kon na a Memrefesa, fu fruklari san a Memrefesa wani taki. Leisi Lukas 22:19.] A fosi tu artikel fu a Waktitoren disi e fruteri san na a Memrefesa èn fa a musu hori.”

Ontwaakt! 22 maart

Baka te yu taki fu wan sari tori di sma abi na prakseri, dan yu kan poti na aksi: „Oiti yu aksi yusrefi fu san ede Gado e gi pasi fu den sani disi pasa? [Gi a sma na okasi fu piki. Leisi Yakobus 1:13.] Na artikel disi, di skrifi spesrutu gi yongu sma, e fruteri fu san ede wi lobi-ati Mekiman no du wan sani ete fu tyari wan kaba kon na a pina di libisma e pina.”

A Waktitoren 1 apr.

„A tori fu a marki fu a meti, na wan fu den moro dangra tori na ini Bijbel. Na ala sortu fasi sma pruberi fu fruklari en fu di den no sabi san a wani taki trutru. Oiti yu yere fu a tori dati? [Gi a sma na okasi fu piki. Leisi Openbaring 13:16-18.] Bijbel srefi kan yepi wi fu frustan a dangratori disi. A tijdschrift disi e fruteri wi fa.”

Ontwaakt! 8 apr.

„Furu sma sabi a tori fu Moses. Ma yu sabi taki Moses ben taki wan sani di abi fu du nanga wi libi na ini a ten disi? [Gi a sma na okasi fu piki. Leisi Deuteronomium 18:15.] Na Ontwaakt! disi e fruteri suma na a profeiti fu suma Moses ben taki na fesi èn san a sa du gi a tanbun fu libisma.”