Luku baka san wi leri na a Kring Konmakandra
Wi sa gebroiki den aksi disi fu luku san wi kan fruwakti na a kring konmakandra fu a dienstyari 2005, èn wi sa gebroiki den sosrefi fu luku baka san wi leri na a kring konmakandra. Na artikel „Wan nyun seti fu luku baka san wi leri na den bigi konmakandra” di de fu feni na tapu bladzijde 4 fu na inibere pisi fu a Kownukondre diniwroko disi, e fruteri fa a prati disi musu hori. Te wi sa luku baka san wi leri, dan a ten musu prati na so wan fasi, taki wi kan poti prakseri na ala den aksi. Wi wani poti prakseri na a fasi fa wi kan fiti den sani di wi leri na a konmakandra, na ini wi libi.
A MAMANTEN PROGRAMA FU A FOSI DEI
1. San kan yepi wi fu kisi a koni fu Gado?
2. Sortu muiti den wan fu a kring meki fu prati a bun nyunsu gi moro sma?
A BAKADINA PROGRAMA FU A FOSI DEI
3. Fu san ede a de tumusi prenspari gi Kresten fu hori den ati nanga den frustan krin? Fa wi kan du dati?
4. Fa wi kan libi na ini vrede nanga wi brada nanga sisa?
5. San a wani taki fu fiti wisrefi, èn fa wi kan sori dati na ini a fasi fa wi e gebroiki a ten fu wi?
6. San wi e leri fu na eksempre fu Saul nanga Noa? Fa wi kan sori taki wi de „klariklari fu gi yesi”? (Yak. 3:17)
7. Fa Kresten kan sorgu taki den no e libi wan dobru libi?
8. Fa wi kan taki fu a koni fu Gado neleki fa Paulus ben du dati?
A MAMANTEN PROGRAMA FU A DI FU TU DEI
9. Fu san ede wi musu luku bun baka sortu sani wi e feti, èn san sa yepi wi fu luku bun nanga den sani dati?
10. Sortu muiti den wan fu a kring e meki fu go na den konmakandra doronomo, èn sortu wini den kisi fu dati?
11. Fa den edeman fu osofamiri kan tranga na osofamiri fu den?
12. Na sortu sani a kring fu wi musu wroko?
A BAKADINA PROGRAMA FU A DI FU TU DEI
13. Sortu regtfardiki wroko sma ben man du nanga yepi fu a koni fu Gado, soleki fa a kon na krin na ini a publikitaki?
14. Fu san ede a de wan don sani fu frutrow tapu wisrefi, noso tapu den wan di no e meki a koni fu Gado tiri den? Nanga sortu afersi fu a libi wi musu luku bun?
15. Gi sortu trapu a koni fu Gado e kibri wi?
16. Fu san ede a de tumusi prenspari taki wi e du san wi ben leri na a kring konmakandra programa?