Luku baka san wi leri na a Spesrutu Dei Konmakandra

Wi sa gebroiki den aksi disi fu luku san wi kan fruwakti na a Spesrutu Dei Konmakandra fu a dienstyari fu 2005, èn wi sa gebroiki den sosrefi fu luku baka san wi leri na a Spesrutu Dei konmakandra. Na artikel „Wan nyun seti fu luku baka san wi leri na den bigi konmakandra” di de fu feni na tapu bladzijde 4 fu na inibere pisi fu a Kownukondre diniwroko disi, e fruteri fa a prati disi musu hori. Te wi sa luku baka san wi leri, dan a ten musu prati na so wan fasi, taki wi kan poti prakseri na ala den aksi. Wi musu poti prakseri na a fasi fa wi kan fiti den sani di wi leri na a konmakandra, na ini wi libi.

MAMANTEN PROGRAMA

1. Fu san ede a de fanowdu fu arki Yehovah moro nanga moro? San a wani taki fu arki? („Fu san ede wi musu arki a sten fu Yehovah”)

2. Fa osofamiri kan tan abi a gwenti fu du sani di abi fu du nanga yeye afersi? („Osofamiri di e arki Gado Wortu sondro taki sani puru den prakseri”)

3. Fa den wan na ini a kring gebroiki den okasi di den kisi fu gi kotoigi? („Du ala sani fu gi Gado glori”)

4. San wi kan leri fu den eksempre na ini Hebrewsma kapitel 3 nanga 4 di de wan warskow gi wi? Fa Yehovah e taki nanga wi na ini a ten disi? („Te wi e arki san Gado e taki, dan wi e kisi kibri”)

5. Fa yu nyan bun fu a dopu lezing? („Gi yusrefi abra na Gado èn teki dopu”)

BAKADINA PROGRAMA

6. San wi sabi fu den yongu yari fu Yesus, èn fa den yonguwan fu a kring e waka baka na eksempre fu en? („Te yonguwan e arki bun san Gado Wortu e taki, dan den e kisi deki-ati”)

7. San na wan tu fasi fa papa nanga mama kan leri beibi nanga yongu pikin den pasi fu Yehovah? („Pikin-nengre di e arki Gado èn di e teki leri”)

8. San na wan tu spesrutu okasi pe wi musu poti yesi arki Yehovah, en Manpikin, nanga „a getrow èn koni srafu”? (Mat. 24:45) Fu san ede a de tumusi prenspari gi wi fu du dati? („Poti prakseri doronomo na a rai fu Gado”)