Sani di yu kan fruteri fu den tijdschrift

A Waktitoren 15 yan.

„Wi alamala wani abi wan moro bun libi gi wisrefi èn gi den pikin fu wi. Ma furu sma e feni taki den no man du noti fu kisi wan moro bun libi. Yu denki taki wi man abi krakti tapu a fasi fa wi libi o waka na ini a ten di e kon? [Gi a sma na okasi fu piki.] A tijdschrift disi e sori nanga yepi fu Bijbel taki wi no musu firi taki wi no man du noti, ma taki den bosroiti di wi e teki now abi krakti tapu a fasi fa wi libi o waka na ini a ten di e kon.” Leisi Deuteronomium 30:19.

Ontwaakt! 22 yan.

„Te wi e kisi problema nanga a gosontu fu wi, dan wi alamala lobi en te wan datra e poti prakseri na a fasi fa wi e firi. Ma yu denki taki den sma di e go na datra e poti prakseri na a fasi fa a datra fu den e firi? [Gi a sma na okasi fu piki.] A tijdschrift disi e taki fu den tyalensi di den datra e miti èn san o pasa na ini a ten di e kon nanga a fasi fa sma e dresi trawan.” Leisi Yesaya 33:24.

A Waktitoren 1 feb.

„Yu e broko yu ede fu si taki na ini a ten disi so furu sma e kisi kwinsi èn taki trawan e du ogri nanga den? [Kari wan eksempre fu wan sani di pasa no so langa pasa èn di sma fu a presi drape sabi. Gi a sma na okasi fu piki baka dati.] A tijdschrift disi e taki fu a fasi fa Gado e si a libi fu libisma. A e sori sosrefi fa Gado sa frulusu wi fu a pina di sma e pina na ini a ten disi.” Leisi Psalm 72:12-14.

Ontwaakt! 8 feb.

„Wan fu den moro bigi tyalensi nanga san wi e kisi fu du na ini a ten disi, na den broko-ede di wi alamala abi. Yu e agri nanga disi? [Gi a sma na okasi fu piki.] Bijbel ben taki soifri na fesi dati a sani disi ben o pasa. [Leisi 2 Timoteyus 3:1.] A tijdschrift disi e gi bun rai di kan yepi yu nanga yu osofamiri fu sabi san fu du nanga den broko-ede fu a libi.”