Sani di yu kan fruteri fu den tijdschrift

A Waktitoren 15 yan.

„Na ini a ten disi sma lai di no e du san den pramisi. Fu dati ede meki furu sma e feni en muilek fu frutrow wan sma. Yu denki taki wan sma de di wi kan frutrow taki a sa du san a e pramisi? [Gi a sma na okasi fu piki. Baka dati, leisi Yosua 23:14.] A tijdschrift disi e sori fa wi kan poti frutrow na ini den pramisi fu Gado di skrifi na ini Bijbel.”

Ontwaakt! 22 yan.

„Na so a nen fu Gado skrifi na ini Hebrewtongo. [Sori a sma a kafti.] Son sma abi na overtoigi taki noiti wan sma mag kari a nen disi. Trawan e gebroiki a nen disi na wan fri fasi. Na Ontwaakt! disi e taki fu den tu sani disi di no e kruderi nanga makandra. A tijdschrift e sori tu fa wi kan kon sabi a nen fu Gado.” Leisi Psalm 83:18.

A Waktitoren 1 feb.

„Furu fu wi e meki muiti fu du sani fu man tan gosontu na skin sei. Ma ondrosuku di ben meki no so langa pasa e sori taki den yeye sani di wi e du abi krakti tapu a gosontu fu wi. Yu denki taki disi de so? [Gi a sma na okasi fu piki. Baka dati, leisi Mateyus 5:3.] A Waktitoren disi e sori fa wi kan kisi san wi abi fanowdu na yeye fasi.”

Ontwaakt! 8 feb.

„Sma na ini a ten disi abi furu fu du èn fu dati ede meki den abi moro rostu fanowdu. Kande yu e agri nanga den wortu disi di skrifi sowan 3000 yari pasa. [Leisi Preikiman 4:6. Baka dati, gi a sma na okasi fu piki.] Na Ontwaakt! disi e gi moi rai di kan yepi wan sma di no e sribi nofo èn a e sori fa wan sma kan lusu a problema disi.”