Sani di yu kan fruteri fu den tijdschrift

A Waktitoren 15 yan.

„Furu sma e gebroiki popki fu anbegi wan gado. Ma yu e denki taki den sortu sani disi man kibri wi? [Gi okasi fu piki.] We, luku san a tru Gado o du gi wi. [Leisi Openbaring 21:3, 4.] Soso wan tru Gado kan du dati. A tijdschrift disi e sori suma na a Gado disi èn fa wi kan kisi wini te wi e frutrow na tapu en.”

Ontwaakt! 22 yan.

„Kande wi e si en leki wan gewoon sani taki wi abi wan tanpe. Ma na heri grontapu milyunmilyun loweman e wakawaka fu a wan presi go na a trawan, ma noiti den no e feni a seikerfasi di den wani. Ontwaakt! e fruteri fu san ede a problema disi de, èn a e ondrosuku sosrefi a Bijbel pramisi taki wan dei ibri sma o abi en eigi tanpe.”

A Waktitoren 1 feb.

„Furu sma e broko den ede fu di sma e doti wi tanpresi. Ma oiti yu prakseri fu a doti di sma man doti den frustan tu? [Gi okasi fu piki.] Bijbel e sori o prenspari a de fu hori wi skin nanga wi prakseri krin. [Leisi 2 Korentesma 7:1.] Mi de seiker taki a tori disi o man yepi yu.”

Ontwaakt! 8 feb.

„Aladi sma kan de so koloku te den trow, toku furu fu den trowlibi disi e broko. A no de fu taki dati yusrefi e si dati. Mi wani libi na Ontwaakt! disi gi yu; a e sori san Bijbel e taki fu a fasi fa wi kan meki wan trowlibi tan koloku.”