Sani di yu kan fruteri fu den tijdschrift

A Waktitoren 15 yan.

„Te yu e luku fa sma e kiri makandra na ini a ten disi, dan yu denki taki Satan wini a strei di a abi nanga Gado? [Gi a sma na okasi fu piki.] Luku san Bijbel e taki fu Gado. [Leisi Psalm 83:19, Da Bijbel na ini Sranantongo.] Gado na a Moro Heiwan fu heri grontapu, sobun yu denki taki Satan kan wini a strei trutru? [Gi a sma na okasi fu piki.] A Waktitoren disi sa gi a yoisti piki tapu na aksi disi.”

Ontwaakt! 22 yan.

„Moro leki oiti bifo sma no abi a dyaranti taki sani sa waka bun nanga den. Wan problema di e kon moro bigi dei fu dei na taki sma e fufuru a nen èn tra prenspari sani fu tra sma nanga yepi fu computer, so taki den kan gebroiki dati bakaten na wan bedrigi fasi. Yu ben yere fu a sani disi kaba? [Gi a sma na okasi fu piki.] Bijbel e gi wi a pramisi taki wan dei sa kon te nowan sma sa abi fu frede taki wan ogri sani sa miti en. [Leisi Yesaya 11:9.] A tijdschrift disi e tyari kon na krin fa disi sa kon tru.”

A Waktitoren 1 feb.

„Furu sma na ini a ten disi e broko den ede taki den kan lasi den wroko. Trawan de na ondro hebi druk na wroko.Yu denki taki sma kan wroko nanga prisiri èn sondro broko-ede? [Gi a sma na okasi fu piki. Baka dati, leisi Yesaya 65:21-23.] A Waktitoren disi e taki fu wan ten pe ala sma sa abi wroko di e gi prisiri.”

Ontwaakt! 8 feb.

„Na Ontwaakt! disi e fruteri fu wan sari tori di e pasa na ini a ten fu wi. A e taki fu a seri di pikin-nengre musu seri den skin. Bijbel e taki dati heri esi wan kaba sa kon na a tegu sani disi di bigisma e du nanga pikin-nengre. [Leisi Odo 2:21, 22.] A tijdschrift disi e sori fu san ede so wan sani e pasa èn a e taki sosrefi fa a sani disi sa kon na wan kaba.”