Na ini september wi sa pristeri wan spesrutu Ontwaakt!
1 Pikinmoro ala sma e prisiri te den e yere pikin fowru e singi èn te den e si wan moi sondongo. Ma furu sma no wani bribi taki wan lobi-ati Tata na hemel meki den sani disi. Wi e kisi wan moi okasi fu kotoigi taki Yehovah meki ala den sani disi, fu di wi sa prati wan spesrutu Ontwaakt! (Yes. 40:28; 43:10) A heri Ontwaakt! fu september o taki fu a tori: „Wan Mekiman de trutru?”
2 Na ini a kontren fu a gemeente: Efu a kan, seti sani fu teki prati na a oso-fu-oso diniwroko nanga a gemeente ibri satra. A no de fu taki, dati yu kan prati den spesrutu tijdschrift na tra ten na ini a wiki. Skoromeester nanga skoromisi, èn tra sma di abi a wroko fu gi sma leri, trutru sa wani sabi san skrifi na ini a tijdschrift disi. Fu dati ede, unu kan seti sani spesrutu fu go na den sma disi na ini a kontren fu unu.
3 Efu wan sma wani sabi moro, dan yu kan poti wan aksi gi a sma èn piki dati wan tra leisi te yu e go baka na en. Fu eksempre, yu kan poti na aksi: „Fu san ede wan lobi-ati Mekiman e gi pasi taki so furu sma e pina?” Te yu e go baka na a sma, dan yu kan taki fu kapitel 1, noso kapitel 11 fu a Bijbel leri-buku. Noso yu kan aksi fu san ede a Mekiman meki grontapu, èn dan yu kan taki fu kapitel 3 te yu e go baka.
4 Na skoro: Efu yu de na skoro, dan fu san ede yu no e gi a spesrutu Ontwaakt! disi leki kado na den leriman, èn na tra studenti na yu skoro? A poti di yu e poti wan tijdschrift na tapu a skoro tafra fu yu, kan meki taki sma e bigin aksi sani fu a bribi fu yu. Kande yu e kisi na okasi fu gebroiki den tori na ini a tijdschrift fu opo taki gi a bribi fu yu te yu e hori takimakandra na ini klas, èn te yu musu skrifi fu wan spesrutu tori. Fu yepi yu nanga den sani disi, a tijdschrift disi abi wan „Jonge mensen vragen”-artikel na ini, di nen „Hoe kan ik mijn geloof in een Schepper verdedigen?” (Fa mi kan opo taki gi a bribi di mi e bribi na ini wan Mekiman?)
5 Yehovah warti fu kisi grani nanga glori, fu di na en meki ala sani (Openb. 4:11). Wi e gi grani na a Mekiman fu wi èn wi e yepi trawan fu du dati tu, te wi e pristeri na Ontwaakt! fu september fayafaya.