Wi sa prati wan spesrutu Ontwaakt! na ini november
1 Furu sma trutru wani kon sabi efu Bijbel prenspari. Den e aksi densrefi: Fa a kan de Gado Wortu efu na libisma skrifi en? Fu san ede wi kan poti wi frutrow na ini Bijbel fu sori wi a yoisti pasi? Sortu wini wi sa kisi te wi e du muiti fu leisi èn studeri Bijbel? Sortu bijbelvertaling wi musu gebroiki? Disi na wan tu fu den aksi di sa kisi piki na ini a spesrutu Ontwaakt! fu november, di sa sori efu wi kan frutrow Bijbel. A nen fu na Ontwaakt! na „Is de Bijbel betrouwbaar?”
2 Wi wani prati a spesrutu Ontwaakt! disi na ini a heri kontren fu wi gemeente. Efu a kan, wi kan teki prati na a oso-fu-oso diniwroko makandra nanga a gemeente, ibri satra na ini a mun november. Prati na Ontwaakt! disi gi yu famiriman, den birtisma fu yu, den sma na wrokope, den leriman na skoro, den pikin na skoro, nanga den gobaka fu yu. Tyari wan tu fu den Ontwaakt! disi te yu e go na wenkri noso te yu e go na tra presi. Den owruman seni aksi moro fu den Ontwaakt! disi, so taki a gemeente kan abi nofo.
3 Bigin wan bijbelstudie: Fosi yu kaba a takimakandra nanga na ososma pe yu prati a tijdschrift disi, yu kan poti wan aksi gi en, so taki yu kan go baka na en èn yu kan bigin wan bijbelstudie. Fu eksempre, yu kan taki: „Wan tra leisi te mi kon baka na yu, mi wani sori yu fa Bijbel e piki na aksi disi: ’San Gado abi na prakseri gi a grontapu?’” Go baka na a ososma nanga a Bijbel leri-buku, èn sori en bladzijde 4 nanga 5, noso luku paragraaf 1-3 fu kapitel 3. Wan tra sani di yu kan taki na: „Wan tra leisi te mi kon baka na yu, mi wani taki nanga yu fu wan Bijbel profeititori di e kon tru nownowde.” Te yu go baka na a ososma, dan sori en kapitel 9 fu a buku, èn taki nanga en fu paragraaf 1-3. Noso yu kan taigi na ososma: „Furu sma feni taki den sani di den leisi na ini Bijbel muilek fu frustan. Wan tra leisi mi wani kon baka na yu fu sori yu fa yu kan kon frustan Bijbel moro bun.” Te yu e go baka na a ososma, sori en a Bijbel leri-buku èn sori en fa wi e hori wan bijbelstudie.
4 Na Bijbel wawan kan meki wi ’koni, so taki wi kan kisi frulusu’ (2 Tim. 3:15). Fu dati ede, wi alamala wani prati a spesrutu Ontwaakt! disi fayafaya, so taki wi kan yepi sma fu frutrow Bijbel moro!