Fa fu du wi diniwroko moro bun​—Gebroiki a Bijbel leri-buku fu sori sma fa wi e hori wan Bijbelstudie

Fu san ede a prenspari: Furu sma no e frustan wi te wi e aksi den efu den wani studeri Bijbel nanga wi. Kande den e denki taki den o abi fu studeri makandra nanga wan grupu sma. Kande den e denki tu taki den o abi fu meki eksame neleki na skoro den de. Na presi fu aksi den sma efu den wani studeri, a ben o bun fu sori den fa wi e studeri Bijbel nanga sma. Na ini wan tu miniti nomo, awinsi na den mofodoro, wi kan sori wan sma o makriki a de fu studeri Bijbel èn o furu a kan leri.