Efu yu abi publikâsi na ini tra tongo fanowdu esi-esi

Son leisi wi e miti sma di wani leisi den publikâsi fu wi na ini wan tongo di a gemeente fu wi no abi. Yu sabi taki efu yu abi na okasi fu go tapu Internet èn print sani, dan yusrefi kan feni publikâsi na ini sowan 400 tongo? Luku san yu kan du:

• Go na a Web site tapu www.watchtower.org.

• Na a reti-anusei fu a site dati, yu abi wan lijst nanga difrenti tongo. Go tapu a prenki fu grontapu fu si ala den tongo di de fu feni.

• Go na a tongo di yu wani. Wan site o opo di e sori sortu publikâsi yu kan print, soleki traktaat, brochure, nanga difrenti artikel. Fu di a site disi skrifi na ini a tongo di yu ben teki, meki yu no abi fu broko yu ede efu yu no sabi san skrifi drape.

• Go na iniwan fu den publikâsi. A sani di skrifi na ini a publikâsi o de fu si èn yu kan print dati.

A Web site fu wi abi wan tu publikâsi nomo. Efu yu abi tra publikâsi fanowdu, dan yu kan seni aksi dati na ini a gemeente. Efu a sma wani sabi moro, dan a bun fu aksi publikâsi na ini a tongo dati na a buku tafra.