Pristeri wan owru tijdschrift noso iniwan brochure di e taki fu wan sani di a sma lobi
Na ini den mun te wi e pristeri a Bijbel leri-buku, èn wi e du muiti fu bigin wan Bijbelstudie a fosi leisi te wi miti a sma, dan wi e kisi a deki-ati fu pristeri wan owru tijdschrift noso iniwan brochure di e taki fu wan sani di a sma lobi. Wi kan du dati awansi na ososma abi a buku kaba èn a no wani studeri. Fu san ede?
Den brochure nanga den owru tijdschrift e taki fu difrenti tori di kan yepi sma na ini a ten disi. Wan fu den tori na ini den publikâsi dati kan naki na ati fu na ososma. Fu dati ede, no frigiti fu tyari wan tu brochure nanga owru tijdschrift na ini yu tas. Efu yu no abi owru tijdschrift, dan kande yu kan teki wan tu na a bukutafra. Efu na ososma abi a Bijbel leri-buku kaba èn a no wani wan Bijbelstudie, dan yu kan sori en wan tu fu den tijdschrift noso brochure di yu abi èn yu kan aksi en sortuwan a wani leisi. Baka dati, seti sani fu go baka na en fu taki moro fara fu wan sani di a ben lobi. Kande a o wani studeri Bijbel te fu kaba.