Wan fasi fa wi kan gebroiki a Bijbel boskopu-brochure

Furu sma na ini a kontren fu wi, spesrutu den wan di no de na ini wan Kresten kerki, no sabi sani fu Bijbel. Te son preikiman e studeri a Bijbel leri-buku nanga den sortu sma disi, dan den e gebroiki a brochure San na a boskopu fu Bijbel? fu man yepi den studenti fu kon sabi den moro prenspari sani fu Bijbel. Fu eksempre, wan brada ben e bigin taki fu pisi 1 fu a brochure te a ben e studeri kapitel 3 fu a Bijbel leri-buku nanga en studenti. Baka dati, ibri leisi te den ben kaba studeri, dan a ben e poti prakseri na wan tra pisi fu a brochure. Yu e studeri nanga wan sma di sabi pikinso nomo fu Bijbel, noso di no sabi notinoti fu Bijbel? Fu yepi en kon sabi ’den sani di skrifi na ini den Santa Buku di kan meki en kon koni’, dan luku fa yu kan gebroiki a Bijbel leri-buku makandra nanga a Bijbel boskopu-brochure.​—2 Tim. 3:15.