Gi deki-ati fu bigin Bijbelstudie a fosi satra fu a mun
Na ini mei 2011 wi bigin gi den preikiman deki-ati fu suku Bijbelstudie a fosi satra fu ibri mun. Fu yepi wi nanga dati, dan ibri mun A Waktitoren gi a preikiwroko abi wan artikel di nen „Piki tapu aksi fu Bijbel”. Dati meki wi musu gebroiki na artikel disi na a preikiwroko konmakandra a fosi satra fu ibri mun, fu sori fa fu bigin Bijbelstudie èn wi musu hori wan demonstrâsi di e sori fa fu du dati.
Den owruman kan bosroiti taki na a fosi satra fu a mun, ibri preikiwroko grupu e hori a preikiwroko konmakandra na wan tra presi. Den kan teki a bosroiti tu taki ala den preikiwroko grupu e kon makandra, kande na a Kownukondre zaal. Ma efu furu gemeente e gebroiki a srefi Kownukondre zaal, dan a spesrutu dei disi fu bigin Bijbelstudie no musu skoifi go na wan tra dei soso fu meki ala den preikiwroko grupu kon makandra.