Fa fu du wi diniwroko moro bun​—Suku sma pe yu kan tyari den tijdschrift doronomo

Fu san ede a prenspari: Aladi furu sma lobi leisi den tijdschrift fu wi, toku den no wani studeri Bijbel nanga wi. Kande den lobi a kerki pe den de noso den feni taki den no abi ten fu studeri. Ma te den gwenti leisi den tijdschrift fu wi, dan den kan kisi na angri fu kon sabi moro fu Gado Wortu (1 Petr. 2:2). A kan taki wan spesrutu artikel naki den ati noso kande a situwâsi fu den kenki. Te wi gwenti go baka na den sma disi èn te wi no e tan langa, dan den o kon gwenti wi. Disi o yepi wi fu kon sabi sortu tori e hari den prakseri noso nanga sortu sani den e broko den ede. A kan taki bakaten a sma o wani studeri Bijbel nanga wi.