Fa fu du wi diniwroko moro bun​—Preiki gi wan sma di e taki wan tra tongo

Fu san ede a prenspari: „Awansi fu sortu kondre wan sma de”, Yehovah wani taki a kon sabi en (Tori 10:34, 35). Dati meki Yesus taki dati a bun nyunsu musu preiki „gi sma na heri grontapu” èn gi „sma fu ala kondre” (Mat. 24:14). A profeiti Sakaria ben taki dati „ala den pipel di e taki difrenti tongo” o arki a bun nyunsu (Sak. 8:23). Na ini wan fisyun na apostel Yohanes si taki den sma di komoto na ini a bigi banawtu na sma fu „ala kondre, lo, pipel, nanga tongo” (Openb. 7:9, 13, 14). Sobun te wi miti wan sma na ini wi kontren di e taki wan tra tongo, wi musu pruberi fu preiki gi en.