GUDU NA INI GADO WORTU
Fa fu preiki moro bun—Suku fu miti ala sma na ini a kontren
FU SAN EDE A PRENSPARI: A profeiti Sakaria ben taki dati sma fu difrenti tongo nanga lo ben o arki a bun nyunsu (Sak 8:23). Ma suma o gi den leri? (Ro 10:13-15) Wi abi a grani nanga a frantwortu fu prati a bun nyunsu nanga ala sma na ini a kontren fu wi.—od 84 ¶10, 11.
FA FU DU EN:
Sreka yusrefi. Yu e miti sma di e taki wan tra tongo? Yu kan gebroiki a JW Language app fu leri fa fu abi wan syatu takimakandra nanga den. Noso yu kan gebroiki yu telefon noso tablet fu sori a sma fa a kan feni moro sani na ini en tongo na tapu jw.org
Luku nanga suma yu kan taki. Te yu e preiki oso fu oso, dan suku fu taki nanga sma di e waka pasa noso di e sidon wakti na ini den wagi. Efu yu e preiki nanga a bukuwagi, dan hori na prakseri taki yu wani taki nanga sma
De fayafaya. Pruberi fu miti den sma di no ben de na oso di yu ben go a fosi leisi. Meki muiti fu miti wan sma na ibri oso pe yu e go. Kande yu musu go na wan tra ten noso wan tra dei fu a wiki. Kande yu kan skrifi wan brifi gi a sma, bel en noso du stratiwroko, soso fu miti a sma
Go baka na a sma. Yu musu go wantewante na a sma baka efu a wani sabi moro. Efu a sma e taki wan tra tongo, dan suku wan sma di e taki a tongo fu en èn di man yepi en. Yu musu tan go na a sma, solanga wan preikiman di e taki a tongo fu en no kon na en ete.—od 94 ¶39, 40
LUKU A FELEM PREIKI NA „DEN MORO FARAWE PRESI FU GRONTAPU”. BAKA DATI PIKI DEN AKSI DISI:
San den brada nanga sisa ben musu sreka fu man doro na den sma na ini farawe kontren? (1Kor 9:22, 23)
Sortu sani ben meki en muilek gi den?
Sortu blesi den kisi?
San yu kan du fu man miti moro sma na ini yu kontren?