Wi orga fu preiki gi ala sma

Neleki fa Yehovah ben orga den Israelsma, na so a orga en pipel na ini a ten disi fu du a wani fu en. Den bijkantoro, den kring, den gemeente nanga den preikiwroko grupu na heri grontapu, e wroko makandra fu preiki a bun nyunsu. Wi e preiki gi ala sma, srefi den wan di e taki wan tra tongo.​—Opb 14:6, 7.

Oiti yu prakseri fu leri wan tra tongo, so taki yu kan preiki gi sma na ini a tongo dati? Awinsi yu no abi nofo ten fu leri wan tra tongo, yu kan gebroiki a JW Language app fu leri wan syatu pristeri na ini a tongo dati. Te yu du disi yu o firi leki den Kresten na ini a fosi yarihondro. Den ben prisiri srefisrefi fu si fa sma fu difrenti kondre ben fruwondru fu yere fu „den bigi sani di Gado du”.​—Tori 2:7-11.

LUKU A FELEM TRON WAN MATI FU YEHOVAH​—PREIKI NA INI WAN TRA TONGO. BAKA DATI PIKI DEN AKSI DISI:

• 

  O ten yu kan gebroiki a JW Language app?

• 

  San na wan tu sani di yu kan feni tapu na app disi?

• 

  Sortu tongo sma e taki na ini a kontren fu yu?

• San yu kan du efu yu miti wan sma di wani sabi moro, ma di e taki wan tra tongo?​—od 100-101 ¶39-41