Fa fu du wi diniwroko moro bun—Gebroiki a Bun nyunsu-brochure fu bigin wan Bijbelstudie na a mofodoro fu wan sma
Fu san ede a de prenspari: Efu wi wani meki disipel, dan wi musu leri sma Gado Wortu (Mat. 28:19, 20). Wi alamala kan gi sma bun leri fu Bijbel te wi e gebroiki den wrokosani di wi kisi. A Bun nyunsu-brochure meki spesrutu fu yepi wi so taki wi kan leri sma den tru tori fu Bijbel. Fu taki en leti, a fosi leisi te wi miti wan sma wi kan bigin wan Bijbelstudie leti na en mofodoro.
Pruberi fu du disi a mun disi:
Begi Yehovah meki a gi yu na angri fu hori wan Bijbelstudie. Begi en tu fu yepi yu feni wan Bijbelstudie èn fu yepi yu tron wan bun leriman.—Fil. 2:13.
Te yu e hori yu Osofamiri Anbegi noso te yu e studeri nanga yusrefi, dan teki ten fu oefen so taki yu sabi san yu o taki. Na so wan fasi yu o man taki nanga overtoigi èn bigin wan Bijbelstudie na wan sma en mofodoro.