„Ala sma na grontapu ben e taki wán tongo”

11:1-4, 6-9

Yehovah bruya a tongo fu den sma na ini Babel fu di den trangayesi en. Na so a panya den go na ala sei. Na ini a ten disi Yehovah e tyari wan bigi ipi sma fu ala pipel nanga tongo kon na wán. A gi den „wan soifri tongo” so taki den „kan kari a nen fu Yehovah èn dini en makandra leki wán man” (Sef 3:9; Opb 7:9). A „soifri tongo” disi na den tru tori di abi fu du nanga Yehovah èn den sani di a abi na prakseri fu du, soleki fa den skrifi na ini Bijbel.

Te wan sma e leri wan tra tongo, dan a no musu leri den wortu nomo, ma a musu leri fu denki na ini a tongo dati tu. Na so a de tu taki te wi e leri a soifri tongo fu waarheid, dan wi musu kenki wi denki (Ro 12:2). Wi musu tan meki muiti fu kenki wi denki so taki wi kan de wán nanga Gado pipel.​—1Kor 1:10.