San yu kan leri fu den Broadcasting singi?

Sortuwan fu den Broadcasting singi yu lobi? Fu san ede yu lobi den? Den sani di yu e si na ini den video clip na sani di yu e si tu na ini na aladei libi? Fu di den singi abi fu du nanga someni difrenti tori, èn fu di den poku e prei na difrenti fasi, meki ibri sma kan feni wan singi di a lobi. Ma den singi nanga den video clip no meki nomo fu gi wi prisiri.

Ibriwan fu den Broadcasting singi e leri wi wan sani di wi leki Kresten kan fiti na ini wi libi èn na ini wi diniwroko. Sonwan fu den singi e leri wi fu gi trawan wan switikon, fu de wán nanga wi brada nanga sisa, fu meki mati, èn fu sori deki-ati, lobi, noso bribi. Tra singi e gi sma deki-ati fu drai kon baka na Yehovah, fu gi sma pardon, fu tan du san reti ibri dei, èn fu suku tra fasi fu dini Yehovah. Wan Broadcasting singi de srefi di e sori taki wi cellulair no musu puru wi prakseri na den moro prenspari sani. Sortu tra bun sani yu leri fu den Broadcasting singi?

LUKU A VIDEO CLIP FU A BROADCASTING SINGI LETI NA BAKA UKU. BAKA DATI, PIKI DEN AKSI DISI:

• Sortu blesi na owru trowpaar e prakseri?​—Ge 12:3

• Fa wi kan tranga wi bribi taki Yehovah o du san a pramisi?

• Suma wi o man miti baka heri esi?

• Fa den moi sani di a Kownukondre o du e yepi wi fu pasa den tesi di e miti wi now?​—Ro 8:25