Fa fu preiki moro bun​—Preiki gi den breniwan

FU SAN EDE A PRENSPARI: Furu brenisma no lobi taki nanga sma di den no sabi. Dati meki wi musu sabi fa fu preiki gi den sma disi. Yehovah e broko en ede nanga brenisma (Le 19:14). Neleki Yehovah wi musu broko wi ede tu nanga den breniwan èn dati meki wi musu du muiti fu yepi den fu tron mati fu en.

FA FU DU DATI:

• „Suku” den brenisma (Mt 10:11). Yu sabi wan sma di abi wan famiriman di breni? A kontren fu yu abi presi pe den e sorgu gi owrusma, skoro, noso tra presi di ben o wani buku noso tra sani di meki spesrutu gi brenisma?

• Sori taki yu e broko yu ede nanga den. Te yu e taki na wan switi fasi nanga brenisma èn te yu e sori den taki yu e broko yu ede nanga den, dan a o moro makriki gi den fu taki nanga yu. Pruberi fu taki nanga a sma fu wan tori di furu sma na ini a birti e taki fu en

• Yepi den brenisma fu kon sabi Yehovah. Fu kan yepi brenisma noso sma di no man si bun, na organisâsi meki difrenti sortu buku nanga tra sani. Aksi a sma sortuwan fu den sani dati a wani gebroiki fu kon sabi moro. A dienst-opziener musu sorgu taki a brada na a bukutafra e bestel den yoisti sani di a brenisma wani