Warderi a matifasi fu yu nanga Yehovah

Yehovah Kotoigi abi wan spesrutu grani. Leki Kresten di gi wisrefi abra na en èn di dopu, wi e tan meki muiti fu de wan bun mati fu wi Moro Hei Masra Yehovah. A hari wi kon na en nanga yepi fu en manpikin (Yoh 6:44). A e arki den begi fu wi.​—Ps 34:15.

Fa wi kan sorgu taki noti pori a matifasi di wi abi nanga Gado? Wan fu den sani na taki wi no musu teki na eksempre fu den Israelsma di ben trangayesi Yehovah. Den meki wan gowtu kaw èn den anbegi falsi gado syatu baka di den pramisi Yehovah taki den o tan dini en (Eks 32:7, 8; 1Kor 10:7, 11, 14). Wi kan aksi wisrefi: ’San mi e du te den firi fu mi noso tra sma e hari mi fu du sani di no bun? A fasi fa mi e handri e sori taki mi e warderi a matifasi di mi abi nanga Yehovah?’ A lobi di wi abi gi wi hemel Papa o yepi wi fu lowe gi den sani di a no lobi.​—Ps 97:10.

LUKU A FELEM KIBRI YU MATIFASI NANGA YEHOVAH (KOL 3:5) , BAKA DATI PIKI DEN AKSI DISI:

• San na bigi-ai?

• Fu san ede wi musu wai pasi gi bigi-ai nanga afkodrei?

• San hurudu abi fu du nanga afkodrei?

• Fu san ede den wan di e teki fesi na ini a gemeente musu sorgu taki a patna fu den e kisi ala san den abi fanowdu?