WI KRESTEN LIBI
Den e wroko tranga fu dini wi
Den kring-owruman nanga den frow e dini den brada nanga sisa sondro fu suku wini gi densrefi. Ma neleki wi alamala den abi ten fanowdu gi densrefi. Son leisi den e weri, den e firi brokosaka èn den e abi broko-ede tu (Yak 5:17). Ma ibri wiki den e luku fa den kan gi den brada nanga sisa deki-ati ini den gemeente pe den e go. Den kring-owruman disi warti fu kisi „moro lespeki.”—1Ti 5:17.
Di na apostel Paulus ben e sreka fu go luku a gemeente na Rome, fu ’fruteri den sani di abi fu du nanga Gado’, a ben e angri fu miti den ’so taki den ben kan gi makandra deki-ati’ (Ro 1:11, 12). Oiti yu prakseri fa yu kan gi yu kring-owruman nanga en frow deki-ati?
LUKU A FELEM WAN KRING-OWRUMAN DI E DINI NA BOITIPRESI. BAKA DATI PIKI DEN AKSI DISI:
Na sortu fasi den kring-owruman nanga den frow e sori taki den e dini den brada nanga sisa sondro fu denki densrefi nomo?
Fa yu e kisi wini fu a muiti di den e meki?
Fa wi kan gi den deki-ati?