Tranga leri di kan tyari wan froktu fu vrede kon
„Now a de so dati a gersi dati ibri trangaleri tapu a momenti srefi no de prisiri ma nanga sari; toku ete a e tyari bakaten gi den wan di oefen nanga dati, wan froktu fu vrede kon, dati wani taki regtvaardikifasi”. — HEBREWSMA 12:11
1, 2. (a) Fu san Gado ben sorgu a tapu wan lobifasi, soleki wi e leisi na ini Hebrewsma 12:9-11? (b) San na wán eksempre fu tranga leri, èn san kan de a bakapisi fu dati?
GO PRAKSERI baka den dei fu yu yongu ari. Yu kan memre ete dati yu papa nanga mama ben gi yu trangaleri? Moro furu fu wi kan memre dati ete. Na apostel Pauus ben gebroiki dati leki wan eksempre di a ben taki fu a trangaleri di e kon fu Gado, soleki wi e leisi na ini Hebrewsma 12:9-11.
2 Na trangaleri fu Gado leki wan Tata, di kan wroko tapu wi yeye libi, kan kon na furu fasi. Wan fu den dati na a seti fu en fu puru wan sma ini na kristen gemeente, di no e winsi moro langa fu libi akruderi den markitiki fu Gado ofu di e weigri fu du dati. Wan sma di na tapu sowan krakti fasi e kisi strafu ofu trangaleri, kan kisi beraw èn drai ensrefi. Ini a pisten disi ooktu na gemeente fu loyaalwan e kisi trangaleri fudi den e leri o prenspari a de fu libi akruderi den hei markitiki fu Gado. — 1 Timoteus 1:20.
3. Fa son sma e du nanga na prakseri fu uitsluiting?
3 ’Ma’ na so wan sma kan aksi, ’a no de wan ogri-ati sani fu puru wan sma ini a gemeente èn fu weigri dan fu taki nanga a sma di den puru ini a gemeente? Na prakseri dati ben kon na fesi na ini wan krutu afersi no solanga psa kaba pe wan fu den partij ben de wan uma di papa nanga mama di ben de kotoigi fu Yehovah ben kweki. Den ben puru en papa nanga mama fu na gemeente. Disi no ben psa nanga en, ma nanga en friwani a ben hari ensrefi puru na ini a gemeenschap fudi a ben skrifi wan brifi pe a ben ferteri dati a no wani de moro wan pisi fu a gemeente. Fu dat’ede a gemeente ben kisi eenvoudig fu yere dati a uma no wani de moro langa wan sma fu Yehovah Kotoigi. A ben froisi, ma yari na baka a drai kon baka èn a ben si dati den kotoigi fu na gemeente pe a ben de no ben wani taki nanga en. A ben tyari na afersi go na a krutubangi. San ben de na bakapisi èn sortu krakti disi kande ben abi tapu yu? Meki wi go luku fu frustan na afersi disi bun san na bijbel e taki fu na tori di abi fu du nanga a tori disi, dati wani taki uitsluiting (puru wan sma fu a gemeente).
Fu san-ede na krakti standpunt disi?
4. San e psa sontron nanga sma ini na gemeente? (Galasia 6:1; Yudas 23)
4 Moro furu tru kristen de loyaal na Gado èn en regtvaardiki wet (1 Thessalonika 1:2-7; Hebrewsma 6:10). Ma ten na ten wan sma e drifi komoto fu na pasi fu waarheid. Aladi yepi fu na sei fu kristen owruman e kon a ben sa kan psa den wet gu Gado sondro fu abi beraw. Ofu a ben sa kan trowe a bribi fudi a e go leri wan falsi leri ofu a e hari ensrefi puru fu na gemeente. San mu du dan? Den sortu sani disi ben psa srefi di den apostel ben e libi ete; meki wi go luku sobun san den ben skrifi fu dati.
5, 6. (a) Sortu koni rai wi abi ini a tori fu na opo du wan sani nanga sma di du wan seryusu sondu èn di no abi beraw? (Mattéus 18:17) (b) Wi e kon tanapu na fesi sortu aksi?
5 Di wan man na ini Korinte ben tan horidoro fu libi sondro fu abi beraw na ini wan hurudu libi fasi, Paulus ben skrifi na gemeente „no fu de moro langa nanga na ini kompani fu wan sma, di den e kari wan brada èn di de wan huruman ofu wan gridiman ofu wan sma di e dini kruktu gado ofu wan skempiman ofu wan drunguman ofu wan bedrigiman, èn srefi fu no nyan nanga so wan sma” (1 Korinte 5:11-13). Asrefi sani ben musu psa tu nanga sma di fadon komoto na bribi, soleki Hymenéus: „Fu teki wan sma di e meki wan sekte go na fesi, trowe en baka wan fosi èn wan di fu tu fermane, fudi yu sabi dati so wan sma drifi komoto fu na pasi èn e sondu” (Titus 3:10, 11; 1 Timoteus 1:19, 20). Fu tan farawe na a pasi disi fu na sma di de ini a tori, ben sa fiti ooktu gi den sma di e trowe na gemeente: „Den ben kon fu wi, ma den no ben de fu wi sortu, bika efu den ben de fu wi sortu, dan den ben sa tan na wi. Ma den ben gwe fu wi sodati ben sa kon krin na fesi dati a no ala sma de fu na sortu fu wi.” — 1 Yohanes 2:18, 19.
6 A de wan sani fu howpu dati so wan sma kisi beraw, sodati den teki en poti baka ini a gemeente (Tori fu den Apostel 3:19). Ma kristensma ini a pisten dati kan abi demakandra nanga en na wan skotu fasi ofu a de fanowdu fu komoto na en pasi krinkrin? Èn efu dati de so, fu san-ede?
A sma koti puru krinkrin?
7. Fa na fasi fa wi sa tyari wisrefi sa kenki nanga tu sortu fu sondari?
7 Kristensma no e hori densrefi farawe. Wi abi normaal kontakti nanga birti sma nanga sma fu wrokope, nanga skoro mati nanga trawan, èn wi e gi den kotoigi tu, awinsi sowan fu den na „huruman, gridiman, bedrigiman ofu sma di e dini kruktu gado’. Pulus ben skrifi dati wi no e komoto krinkrin na den pasi, ’noso wi ben sa mu komoto fu na grontapu’ ma a ben sori dati a de wan tra afersi efu „wan brada” ben libi so, èn a ben komanderi fu dat’ede „no fu de moro langa ini kompani fu wan sma, di den e kari wan brada èn di [drai go baka na den sortu pasi disi], èn no fu nyan srefi nanga so wan sma”. — 1 Korinte 5:9-11; Markus 2:13-17.
8. Sortu rai na apostel Yohannes ben gi fu na tan farawe fu sma?
8 Na ini den buku fu na apostel Yohannes wi e feni wan srefi sortu rai di e poti krakti a tapu o soifri kristensma mu komoto na a pasi fu den sortu sma disi” „Ibriwan sma di e puru ensrefi go a fesi èn no e tan na ini a leri fu kristus, no abi Gado . . . Efu wan sma e kon na yu èn no e tyari na leri disi kon, no teki en noiti na ini yu oso èn no gi en odi tu. Bika a sma di e gi en odi [Griki: khai’ro] abi prati na en goddelowsu wroko.”a — 2 Yohannes 9-11.
9, 10. (a) San ben e psa nanga sma di ben psa na wet ini Israël èn di no ben abi berow, èn fu san-ede? (b) Sortu standpunt wi mu teki ini a tori fu na seti di de now di abi fu du nanga fa wi musu behandel sma di sluit uit fudi den ben sondu sondro fu abi berow? (2 Petrus 2:20-22)?
9 Fu san-ede sowan krakti standpunt srefi na ini a ten disi fiti? We, tan denki pikinso na tranga vorm fu koti puru ini na wet fu Gado di ben gi na Israël. Ini difrenti seryusu afersi den ben kiri sma di espresi ben psa a wet (Leviticus 20:10; Numeri 15:30, 31). Te dati ben psa, dan trawan, srefi famirman no ben taki moro nanga na dede sma di ben psa a wet (Leviticus 19:1-4; Deuteronomium 13:1-5; 17:1-7). Fudi loyaal Israëlsma na ini a ten dati ben de normaal sma nanga den srefi sortu firi leki wi, dan den ben sabi dati Gado de regtvaardiki èn nanga lobi èn dati en wet ben kibri na moreel èn yeye krinfasi fu den. Fu dat’ede den ben teki dati a seti fu en fu koti ogriduman puru, te yu luku en bun, ben de wan bun èn yoisti afersi. — Yob 34:10-12.
10 Net so seiker wi kan de dati a seti fu Gado, dati kristensma e weigri fu demakandra nanga wan sma di fu sondu ede di a no ben abi beraw fu den e poti dorosei fu a gemeente, (sluituit), de wan fasi fu kibri wi. „Puru na owru srudeki, sodati yu kan de wan nyun degi, soleki yu de kaba sondro swa” (1 Korinte 5:7). Kristensma e kibri densrefi teige denki fu e feni fowtu tapu sani èn fu no e sori warderi srefi di fadon komoto fu a tru bribi te den komoto a pasi ooktu fu sma di fu espresi ben hari densrefi puru fu a gemeente. — Hebrewsma 12:15, 16.
Fa a de nanga famirman?
11, 12. (a) San ben de na krakti di a ben abi tapu famirman na ini Israël te wan ogriman ben koti puru? (b) Gi eksempre fu den winimarki fu gi yesi.
11 Gado e frustan seiker dati na tyari kon na ini wi libi fu regtvaardiki wet na ini a pisi tori fu a koti puru fu ogriduman, nofotron famirman de ini a tori di na afersi abi krakti tapu den Soleki ben taki dya na tapsei, dan te den ben kiri wan ogridu man fu Israël, dan nowan demakandra fu famiri kan de moro. A ben de srefi so dati efu wan manpikin ben de wan drunguman èn wan tap’ala, en papa nanga mama ben mu tyari en go na den krutuman, èn efu a no ben abi beraw, dan na papa nanga mama ben abi wan prati na ini na regtvaardiki kiri fu en, ’fu puru na ogri na mindri fu Israël’ (Deuteronomium 21:18-21). Yu kan prakseri pikinso dati disi no ben sa de makriki gi den. Èn go prakseri ooktu pikinso fa den brada nanga sisa fu na ogriduman ofu en granpapa nanga granmama sa firi densrefi. Ma efu den ben poti loyaalfasi na a regtvaardiki Gado fu den moro hei leki lobi gi famiri, dan dati ben kan de ferlusu gi a libi fu den.
12 Go denki pikinso na a geval fu Korach, wan tiriman ini wan opruru teige a tiri fu Gado nanga yepi fu Mozes. Na ini en volmaakti geregtigheid Yehovah ben si dati Korach ben mu dede. Ma ala loyaalwan ben mu kisi na rai: „hari gwe grantangi fu den tenti fu den goddelowsuman disi èn no fasi noti san de fu den, sodati yu no wai puru na ini a sondu fu den.” Famirman di no ben wani teki na warskow fu Gado, ben dede nanga den opruruman. Ma son famirman fu Korach ini koni ben teki fu de loyaal na Gado san ben ferlusu den libi èn ben meki blesi ini a ten di e kon ben de mogelek. — Numeri 16:16-33; 26:9-11; 2 Kronieken 20:19.
13. Fa loyaal kristen sa du efu wan krosbei famirman sluituit èn hari ensrefi puru?
13 Koti puru fu a kristen gemeente no e tyari wan dede kon wantewante èn famiribanti e tan sobun. Wan man di den e puru ini a gemeente ofu di e hari ensrefi puru, sobun kan libi ete na en kristen uma èn getrow pikin. Respeki gi den krutu fu Gado èn na san a gemeente du sa tyari na uma nanga pikin go sofara fu èrkèn dati a ben kenki na yeye banti di ben a mindri den nanga na waka nanga libi fu en. Ma fudi den sluit en uit, no e meki wan kaba kon na a brudubanti ofu na trow matifasi, meki den normaal famiri lobi nanga kontakti kan go doro.
14. Sortu rai fu Gado sa abi krakti na tapu wi kontakti nanga wan sma di sluituit ofu di hari ensrefi puru, èn di de wan famirman dorosei fu wi directe osofamiri?
14 Na situwasi de tra fasi efu na sma di puru fu na gemeente ofu di hari ensrefi puru de wan famirman dorosei na directe osofamiri èn no e libi na a srefi oso. A ben sa kan de mogelek fu praktis no abi kontakti nanga a famirman. Srefi efu wantu famiri afersi e aksi fu abi kontakti, dan seiker dati ben sa koti go te na wantu, ini akruderi nanga na gronprakseri fu Gado „no de moro langa ini komani fu wansma [suma a de ooktu], di den e kari wan brada, di e wan huruman, efu wan gridiman [ofu di gi ensrefi abra na wan tra bigi sondu] . . . , èn srefi fu no nyan nanga so wan sma”. — 1 Kor. 5:11.
15. Fa famirman kan dwengi na krakti fu firi na ini den sortu geval disi? (Ps. 15:1-5; Mark. 10:29-30).
15 A de wan sani fu frustan dati disi kan de muilek fu firi nanga famiribanti ede, soleki na lobi fu granpapa nanga granmama gi granpikin. Toku disi na wan tesi tapu wi loyaliteit na Gado, soleki na sisa di wi ben taki fu en na bladzijde 13 ben taki. Ibriwan sma di e firi na sari èn na pen di na famirman di sluituit ben meki kon sobun, kan feni trowstu èn dek’ati ini na eksempre fu wan tu fu den famiri fu Korach. — Psalm 84:10-12.b
San na krutubangi taki
16-18. Sortu bosroiti den krutuman ini na afersi di ben luku kaba ben taki èn sortu ferklari a krutbangi ben gi?
16 Yu wani sabi kande fa na krutu ben waka fu na uma di ben bruya pikinso fudi fosten sabiman no ben wani taki nanga en bakadi a ben teki a bosroiti fu trowe a bribi fu a hari ensrefi puru fu a gemeente.
17 Bifo na afersi ben kon a fesi krutu, wan federale distrikt krutubangi ini wan syatu krutu ben teki wan bosroiti teige en. Na bosroiti dati ben abi en fondamenti tapu na prakseri dati krutubangi no e moksi densrefi na ini afersi fu kerki strafu. A ben go teige a sani disi ini beroep. Na wanfasi bosroiti di ben teki na ini na federale krutu fu beroep ben abi wan moro bradi fondamenti èn den gebroiki reti soleki tanapu na ini a fosi Amendement (tapu na Amerkan Mama Wet): „Fudi na du fu tan farawe fu wan sma de wan pisi fu na bribi fu den kotoigi fu Yehovah, meki wi e denki dati na ’fri uitoefening di na Amerkan Mama Wet e sorgu fu en . . . poti a dorosei dati a uma wini en afersi. Den sma di ben kari kon a fesi krutu abi wan grani di a Mama Wet e kibri fu gebroiki na du fu tan farawe fu wan sma. Wi e piki fu dat’ede ooktu nanga na fosi bosroiti fu na distrikt krutubangi.
18 A tyari kon na krin fu na tori fu na sei fu na krutubangi e go moro fara: „A tan farawe fu wan sma na wan du di Yehovah Kotoigi e kobroiki akruderi fa den e tyari na canoniek tekst kon a krin, èn wi no abi na fri fu go tyari na tekst dati kon a wan tra fasi na krin . . . densma di ben kari na fesi krutu abi na reti fu du den bribi overtoigi na wan fri fasi . . . krutubangi no e hori densrefi ini algemeen bezig nanga wan ondrosuku soifri fu a de mindri makandra matifasi fu memre (ofu fosten memre) fu wan kerki. Kerki abi wan moro bigi fri tapu a kontren fu strafu fu krutu maatregel teige fosten memre. Wi e agri nanga den denki fu krutuman Jackson [wan fosten krutuman fu na Amerkan hei krutu] dati kerki activiteit di abi fu du nanga memre wawan fu na bribi, de fri èn mu de so — so krosbei leki a kan na a absolute fri leki kan de ooktu’ . . . den memre fu na kerki di [a uma] ben teki a bosroiti fu gwe libi, kon na a bosroiti dati den no wani abi demakandra moro langa nanga en. Wi e agri nanga a standpunt dati den de fri fu teki na bosroiti dati.”
19, 20. Fu san-ede wan sma di koti puru fu na gemeente no de ini a positsi dati nanga yepi fu krutu a kan aksi fu wan schadevergoeding fu moni?
19 Na krutubangi fu beroep ben èrkèn dati srefi efu a uma ben firi pen fudi fosten sabiten ben teki a bosroiti no fu taki nanga en, „wan bosroiti di ben sa meki a de mogelek gi en fu kisi schadevergoeding fu immateriële ofu emotionele ogri, ben sa skotu den Kotoigi fu Yehovah tapu wan fasi di no de ini a Mama Wet ini na fri fu den fasi fu anbegi. . . . Na Garanti fu na Mama Wet fu du na fasi fu anbegi fu wan sma e aksi dati na maatschappij e ferdrage na sortu fu ogri di [en] e firi leki wan reidelek prijs gi na kibri fu na reti tapu a difrenti na ini fasi fu anbegi di ala borgru abi.” Na ini seiker fasi na sani disi di na krutu taki fu sensi a ten dati ben wini moro na prenspari fasi. Fa so? Na uma bakaten ben aksi na moro hei krutubangi na ini a kondre fu yere na afersi èn kande fu taki dati na bosroiti di teki teige en no go doro. Na ini november 1987 na Amerkan Hei Gerechtshof ben weigri disi.
20 Na prenspari afersi disi fu dat’ede e sori dati wan sma di sluituit ofu hari ensrefi puru no kan kisi fu wan krutubangi schade vergoeding fu Yehovah Kotoigi fudi den e tan farawe fu en.c Fudi a gemeente e gi yesi èn e poti na ini den libi den volmaakti richtlijn di wi alamala kan leisi na ini Gado Wortu, meki na sma e firi wan lasi di en efu a de wan man ofu wan uma ben tyari kon na tapu ensrefi nanga en eigi waka nanga libi.
Tranga leri — fu na bun fu furu sma
21. Fu san-ede wan sma mu luku na afersi fu uitsluiting na wan balansi fasi?
21 Son doroseisma te den e yere fu uitsluiting, abi na denki fu firi nanga wan ogriduman di no kan taki moro langa nanga memre fu na kristen gemeente. Ma sowan sortu firi no fowtu? Luku pikinso na bun krakti di a abi gi ogriduman èn gi tra sma?
22, 23. Gi eksempre fu na prensparifasi èn waarde fu gi yesi na Gado ini fasi fa wi e luku sma di puru fu a gemeente.
22 Wi ben si fu eksempre tapu bladzijde 17 san Lynette’s ben taki fu en bosroiti ’fu broko krinkrin ibri demakandra’ nanga en sisa Margareth di ben poti dorosei fu a gemeente. En nanga en kristen famirman „ben bribi dati Yehovah fasi fu du sani ben de a moro bun wan”. Èn dati de ooktu so!
23 Lynette sisa ben ferteri en bakaten: ’Mi sabi seiker dati efu yu ben teki na uitsluiting lekti, mi no ben sa du so esesi stap fu ben sa kon bun baka leki now. Dati mi ben koti puru krinkrin fu den sma di mi ben lobi èn fu krosbei kontakti nanga a gemeente, ben tyari wan tranga lostu kon fu sori berow. Mi ben go frustan o fowtu mi libifasi ben de èn o seryusu a ben de dati mi ben draibaka gi Yehovah.’
24. Fa na fasi fa wan sisa ben du tapu wan uitsluiting ben abi krakti tapu ensrefi nanga trawan?
24 Ini wan tra geval den papa nanga mama fu Laurie sluituit. Toku a ben taki: „Mi demakandra nanga den noiti ben tapu, ma ben kon moro furu. O moro a ten ben e psa, o moro mi ben e kon de inactief. Mi ben doro na marki dati mi no ben go srefi na komakandra. Ne a ben leisi materiaal ini den Wachttoren uitgave fu 1981 [na ini Sranantongo den uitgave fu 15 november nanga 1 december] di ben poti krakti na tapu na rai fu 1 Korinte 5:11-13 èn 2 Yohannes 9-11. „A ben de gewoon leki wan leti ben opo kon na ini mi” a ben skrifi. ’Mi ben sabi dati mi ben musu kenki wantu sani. Now mi e frustan moro bun san Mattéus 10:34-36 wani taki. A bosroiti fu mi no ben de makriki gi mi famiri, bika mi manpikin, fu feifi, de na wan enkri boi, èn den lobi en tranga.’ A de fu howpu dati a lasi fu na sortu demakandra disi sa seki na ati fu na papa nanga a mama, soleki dati ben psa nanga Margareth. Ini ibri geval na tranga leri ben yepi Laurie: ’Mi go baka na ini a velddienst mi trowlibi nanga mi osofamiri de moro tranga fu na kenki fu mi, èn dati de ooktu gi misrefi.’
25. Sortu luku wan sma di ben kon bun baka ben abi tapu na trangaleri fu Gado?
25 Ofu luku pikinso den firi fu wan sma di den ben sluituit èn baka ten ben kon bun baka. Sandi ben skrifi: ’Mi ben sa wani taki un tangi fu na [san ben taki dya na tapsei] bun artikel pe yu e leri furu na ini fu na pir’ai èn uitsluiting. Mi breiti dati Yehovah abi nofo lobi gi en pipel fu sorgu dati en organisatie e hori krin. San dorosei sma mag si leki wan tranga ati-fasi, de fanowdu èn te yu luku en bun nanga lobi. Mi de grantangi dati mi hemel Tata de wan lobi Gado di e gi pardon.’
26. Sortu regtvaardiki froktu kan de na bakapisi fu na teki fu trangaleri? (Psalm 94:10, 12)
26 Wi Gado di e aksi dati wan ogriduman di no sori beraw puru na ini a gemeente, e meki wi si ooktu tapu wan lobi fasi dati wan sondari kan teki kon baka ini a gemeente efu a abi beraw èn drai ensrefi. (Wan sma di hari ensrefi puru kan aksi ooktu fu a tron baka wan pisi fu a gemeente.) Baka dati a kan kisi trowstu fu kristen di sa sori den lobi baka gi en (2 Korinte 2:5-11; 7:8-13). Futru, a de soleki Paulus e skrifi: „Now ibri tranga leri tapu a momenti e gersi taki a no de prisi, ma nanga sari; toku a e tyari bakaten gi den sma di oefen nanga dati, wan froktu fu vrede kon, dati wani taki regtvaardikifasi.” — Hebrewsma 12:11.
[Futuwortu]
a Yohannes ben gebroiki dya khai’ro, san ben de wan odi, soleki „morgu” (Tori fu den apostel 15:23; Mattéus 28:9). A no ben gebroiki a-spa’zo-mai (soleki tanapu na ini vers 13), san wani taki „brasa èn fu dat’ede taki odi èn bari wan switi kon” èn den kan sori tapu wan switi odi di e go srefi makandra nanga wan brasa (Lukas 10:4; 11:43; Tori. 20:1, 37; 1 Thessalonika 5:26). Na instructie na 2 Yohannes 11 sobun ben sa kan wani taki heri bun srefi fu no taki gi den sortu sma dati „morgu”. — Luku Na Wachttoren fu 15 yuli 1985, blz. 31.
b Luku fu wan takmakandra fu a situwasi dati wan famirman e poti a dorosei fu a gemeente, Na Wachttoren fu 1 december 1981, na ini Bakratongo, bladzijde 20, 26, èn na ini Sranantongo blz. 267-272.
c Aladi difrenti sma ben bigin nanga wan afersi na krutubangi, dan no wan enkri krutubangi ben taki dati Yehovah Kotoig no abi reti na ini a du fu den fu tan farawe fu sma soleki dati abi en fondamenti a tapu bijbel.
Punt fu kan memre
◻ Fa na fasi fa wan kristen e tyari ensrefi nanga sma di sluituit e kenki nanga fa a e tyari ensrefi nanga sondari fu na grontapu?
◻ Sortu bijbel richtlijn wan sma mu hori na prakseri, srefi efu wan famiriman poti dorosei fu a gemeente?
◻ Na sortu bosroiti wan krutubangi fu beroep ben teki ini wan afersi di wan sma di ben sluit uit ben tyari kon a fesi krutu?
◻ San wi kan leri fu wantu persoonlek kommentaar di e go fu uitsluiting?
[Prenspari pisi na tapoe bladzijde 17]
„Broko krinkrin ibri demakandra nanga Margareth [mi sisa di ben sluituit], ben de wan tesi tapu mi loyaliteit na Yehovah fesi. Na osofamiri fu wi ben de na ini a okasi fu sori nanga dati, taki wi e bribi trutru dati Yehovah pasi de na moro bun wan.” — Lynette
[Faki na tapu bladzijde 18]
Excommunicatie (uitsluiting) — Sortu krakti?
NA Ingrisi historia skrifiman Edward Gibbon ben skrifi fu na retifasi èn a krakti fu uitsluiting ini wan ten di ben de moro krosbei na a ten fu den apostel:
„A de wan reti sondro degedege fu ibri gemeenschap fu sluit den sma a mindri en memre fu en demakandra nanga winimarki di trowe (ofu pasa den wet di ala sma ben feni bun èn di den poti. . .. Den bakapisi fu excommunicatie (uitsluiting) ben de fu temporele [fu na sei fu grontapu fasi] èn fu yeyefasi. Na kristen di ben sluituit, ben lasi ibri pisi fu den ofrandi di den bribiwan ben tyari. Den banti fu kerki èn persoonlek matifasi ben broko.”