Pristeri a boen njoensoe — Nanga tijdschrift foe december
1 Na Wachttoren nanga Ontwaakt! na ini den tintin jari di den ben dini libisma ben doe dienst alaten leki wan ’leti tapoe na pasi’ (Ps. 119:105). Disiten bodoi na tapoe pikinmoro iniwan kontren san joe kan go denki foe en èn bijbelleri di e gi dek’ati den égifasi foe den toe jepisani disi. Foe dat’ede a de wan prisiri foe wi kan wroko nanga den december tijdschrift èn wi sabi séker taki wi o miti foeroe sma nanga wan opo geest di sa wani foe troe foe teki den tijdschrift na wi anoe.
2 Foe dat’ede san wi kan taki foe overtoigi den sma na ini wi kontren dati wi abi wan sani gi den di den no kan misi foe den kolokoe di den moesoe kisi ete?
3 Te wi e pristeri Ontwaakt! foe 8 december di wi kari wi nen wi ben sa kan taki: „Wi ben kon si taki srefi a jari disi foeroe belangstelling ben de gi den Olympisch Pré. Joe oiti ben prakseri ofoe na sportwega disi nanga fasi foe bribi abi wan sani foe doe nanga makandra? A de wan moi sani foe troe foe si fa na artikel: ’De Olympische Spelen, sport nanga religie — zijn ze met elkaar in strijd?’ e gi na piki na tapoe na aksi disi na ini a tijdschrift disi.” Efoe wan jongoe sma e kon na a doro, joe ben sa kan pristeri na onderwerp: „Fa mi kan meki mi studie-gwenti kon moro boen?” ini na seri foe: „Jongoe sma e aksi . . .”
4 Na fosi pagina foe Na Wachttoren foe 1 december e poti na aksi: „Joe abi wan ati di no prati?” Wi ben sa kan pristeri na tijdschrift disi nanga di wi e taki: „Wi ben kon si taki sma dé foe dé den e kon abi moro wéniki belangstelling foe kerki afersi. Joe sabi fa dati doe kon? (Gi okasi foe piki.) A tijdschrift disi e meki wi si omeni libisma ati de na ini na pré èn san wi kan doe foe lobi Gado troetroe foe wi ati.”
5 „Tan na libi — Wan afersi foe broko-ede di e gro” de na fosiwan foe wan serie artikel di e graboe na prakseri di de na ini na Ontwaakt! foe 22 december. Foe wiki na belangstelling foe na ososma joe ben sa kan taki: „Sma na ini foeroe kondre e aksi densrefi fa den ben kan libi psa wan grontapoerampoe, soleki wan feti nanga kernwapen. A de wan moi sani dati na artikel: ’Na wan enkri fasi foe tan libi psa’, na tapoe bladzijde 8 foe na tijdschrift disi e taki foe na tori disi. Makandra nanga Na Wachttoren mi mag libi disi na baka gi joe.”
6 Natuurlek joe mag pristeri na ini ibri wan foe den tijdschrift disi iniwan tra onderwerp leki san di ben kari dja na tapoesé. A punt san wi moe hori na ini prakseri de taki wi moe hori na pristeri koemakriki èn taki na prenspari punt kon boen na fesi. Efoe joe e tan toemsi lang tapoe na bigin kande disi sa abi leki bakapisi taki a doro tapoe baka gi joe bifo joe ben kan taki foe na artikel di joe ben wani foe pristeri.
7 Now moro leki 100 jari psa kaba dati Jehovah pipel e kisi „trowstoe foe den Boekoe” nanga jepi foe den tijdschrift di na Genootschap e druk (Rom. 15:4). Wi no sa wani foe span oensrefi moro foe poti den tijdschrift na ini den anoe foe someni sma leki a kan di a ten foe na kaba e kon krosbé moro nanga moro foe en kaba? A no kan tra fasi dati wi wani foe doe so! Wi wani spigri na fasi foe prakseri foe Jehovah, di „no wani taki wan sma lasi gwe ma wani taki ala sma kon sori sari-ati” (2 Petr. 3:9). A no wan tra presi na grontapoe wi e feni tijdschrift leki Na Wachttoren nanga Ontwaakt! di de spesroetoe gi na meki bekenti foe na boen njoensoe foe na kownoekondre èn na gi glori na Jehovah bigi nen. Meki wi meki boen foeroe gebroiki foe den.